អគ្គនាយករង លោក ឈន សុខមានហេង៖ «គិតមុននិយាយ ពិចារណាមុនសម្រេច និងមើលឱ្យគ្រប់ជ្រុង មុនឈានទៅមុខ»

(ភ្នំពេញ)៖ លោក ឈន សុខមានហេង អគ្គនាយករង នៃសម្បត្តិ មានហេង គ្រុប បានលើកឡើងនូវទស្សនៈដឹកនាំដ៏មានអត្ថន័យថា៖ «គិតមុននិយាយ ពិចារណាមុនសម្រេច និងមើលឱ្យគ្រប់ជ្រុង មុនឈានទៅមុខ»។

តាមរយៈសារដែលបានបង្ហោះលើបណ្ដាញសង្គមហ្វេសប៊ុក នាថ្ងៃទី៣ ខែកញ្ញា ឆ្នាំ២០២៦ លោកបានបង្ហាញថា ចម្លាក់ព្រះព្រហ្មមុខបួន ដែលមានវត្តមាននៅលើតុប្រជុំ មិនត្រឹមតែជានិមិត្តរូបនៃជំនឿប៉ុណ្ណោះទេ ប៉ុន្តែក៏ជាការរំឭកឱ្យអ្នកដឹកនាំ និងក្រុមការងារ ចេះប្រុងប្រយ័ត្នចំពោះពាក្យសម្ដី ពិចារណាឱ្យបានគ្រប់ជ្រុងជ្រោយ និងមានការទទួលខុសត្រូវចំពោះរាល់ការសម្រេចចិត្ត។

លោកក៏បានរំឭកពី ព្រហ្មវិហារធម៌ទាំង៤ រួមមាន មេត្តា ករុណា មុទិតា និងឧបេក្ខា ដែលជាគោលធម៌សំខាន់សម្រាប់ការរស់នៅ និងការដឹកនាំ ដោយបង្រៀនឱ្យមនុស្សមានចិត្តល្អ ចេះយល់ពីអ្នកដទៃ រីករាយចំពោះភាពជោគជ័យរបស់អ្នកដទៃ និងរក្សាចិត្តឱ្យនឹងនរ ដើម្បីពិចារណាបញ្ហាដោយសមធម៌។

ជាមួយគ្នានេះ នារសៀលថ្ងៃទី៣ ខែកញ្ញា ឆ្នាំ២០២៦ លោក ឈន សុខមានហេង បានដឹកនាំកិច្ចប្រជុំជាមួយថ្នាក់ដឹកនាំ និងក្រុមការងារសំណង់ នៃ បុរី សម្បត្តិ មានហេង ៣ ដើម្បីតាមដានវឌ្ឍនភាពការងារ ពិភាក្សាអំពីបញ្ហាប្រឈម និងរួមគ្នាស្វែងរកដំណោះស្រាយប្រកបដោយប្រសិទ្ធភាព។

ការដឹកនាំបែបនេះ បានបង្ហាញពីគោលជំហរ «ដឹកនាំដោយការគិត ធ្វើការដោយគុណធម៌ និងឈានទៅមុខដោយទំនួលខុសត្រូវ» ដែលជាមូលដ្ឋានសំខាន់ក្នុងការកសាងក្រុមការងារឱ្យមានប្រសិទ្ធភាព និងនាំស្ថាប័នឱ្យរីកចម្រើនប្រកបដោយចីរភាព៕