ក្រោមការចង្អុលដឹកនាំរបស់ឯកឧត្តម ឈឿន សុចិត្ត! ក្រុមការងារចុះមូលដ្ឋានភូមិដើមគរ ដឹកនាំដោយ លោក ឡាក់ ម៉េងធី ចូលរួមរំលែកទុក្ខ និងនាំយកថវិកា ២លានរៀល ជូនគ្រួសារសពលោក លឹម ស៊ីដន

(កណ្តាល)៖ ដោយអនុវត្តតាមការចង្អុលដឹកនាំរបស់ឯកឧត្តម ឈឿន សុចិត្ត ប្រធានក្រុមការងារចុះមូលដ្ឋានសង្កាត់ដើមមៀន នៅថ្ងៃសៅរ៍ ទី១៨ ខែកក្កដា ឆ្នាំ២០២៦ ក្រុមការងារចុះមូលដ្ឋានភូមិដើមគរ ដឹកនាំដោយលោក ឡាក់ ម៉េងធី បានសហការជាមួយក្រុមការងារភូមិ អញ្ជើញចូលរួមរំលែកទុក្ខដ៏ក្រៀមក្រំជាមួយក្រុមគ្រួសារសពលោក លឹម ស៊ីដន អនុប្រធានភូមិដើមគរ ដែលបានទទួលមរណភាពនៅវេលាម៉ោង ២:៥០នាទីទៀបភ្លឺ ថ្ងៃទី១៨ ខែកក្កដា ឆ្នាំ២០២៦ ក្នុងជន្មាយុ ៦២ឆ្នាំ ដោយរោគាពាធ។

ក្នុងឱកាសនៃការចូលរួមរំលែកទុក្ខដ៏សោកសង្រេងនេះ លោក ឡាក់ ម៉េងធី ក៏បាននាំយកថវិកាចំនួន ២,២០០,០០០រៀល ដែលជាអំណោយដ៏ថ្លៃថ្លារបស់ឯកឧត្តម ឈឿន សុចិត្ត ប្រគល់ជូនដល់ក្រុមគ្រួសារសព ដើម្បីចូលរួមរំលែកបន្ទុកចំណាយក្នុងការរៀបចំពិធីបុណ្យសព។

សកម្មភាពនេះបានឆ្លុះបញ្ចាំងពីទឹកចិត្តមនុស្សធម៌ ការយកចិត្តទុកដាក់ និងស្មារតីសាមគ្គីភាពរបស់ថ្នាក់ដឹកនាំ និងក្រុមការងារចុះមូលដ្ឋាន ដែលតែងតែឈរនៅក្បែរប្រជាពលរដ្ឋទាំងក្នុងពេលសប្បាយ និងពេលជួបទុក្ខលំបាក។

ក្នុងឱកាសនេះផងដែរ លោក ឡាក់ ម៉េងធី សូមចូលរួមសម្តែងនូវសមានទុក្ខយ៉ាងក្រៀមក្រំជាមួយក្រុមគ្រួសារសព និងសូមឧទ្ទិសបួងសួងឱ្យវិញ្ញាណក្ខន្ធលោក លឹម ស៊ីដន បានទៅកាន់សុគតិភព កុំបីឃ្លៀងឃ្លាតឡើយ៕