ឧត្តមសេនីយ៍ត្រី ឡាក់ ម៉េងធី តំណាងលោកស្នងការនគរបាលខេត្តកណ្តាល ចូលរួមកិច្ចប្រជុំតាមដានការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)

(កណ្តាល)៖ នៅរសៀលថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានចាត់តាំងលោកឧត្តមសេនីយ៍ត្រី ឡាក់ ម៉េងធី និងលោកឧត្តមសេនីយ៍ត្រី តុប សុវណ្ណ ស្នងការរង ជាតំណាងចូលរួមកិច្ចប្រជុំប្រចាំខែ ដើម្បីតាមដាន និងវាយតម្លៃការងារបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scams)។

កិច្ចប្រជុំនេះ បានប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈប្រព័ន្ធ ZOOM នៅសាលប្រជុំសាលាខេត្តកណ្តាល។

កិច្ចប្រជុំនេះមានគោលបំណងពង្រឹងការសម្របសម្រួល បង្កើនប្រសិទ្ធភាពក្នុងការទប់ស្កាត់ និងបង្ក្រាបបទល្មើសឆបោកតាមប្រព័ន្ធអនឡាញ ដែលជាបញ្ហាប្រឈមមួយកំពុងប៉ះពាល់ដល់សន្តិសុខសង្គម និងសេដ្ឋកិច្ចជាតិ ស្របតាមការណែនាំរបស់រាជរដ្ឋាភិបាល និងក្រសួងមហាផ្ទៃ៕