ពន្ធនាគារខេត្តកណ្ដាលបូកសរុបការងារខែមេសា ពង្រឹងវិន័យ និងកំណត់ទិសដៅថ្មីសម្រាប់ខែឧសភា

(កណ្ដាល)៖ ពន្ធនាគារខេត្តកណ្ដាលបានរៀបចំកិច្ចប្រជុំបូកសរុបលទ្ធផលការងារប្រចាំខែមេសា និងដាក់ចេញទិសដៅអនុវត្តបន្តសម្រាប់ខែឧសភា ឆ្នាំ២០២៦ ក្រោមអធិបតីភាព លោកឧត្តមអគ្គានុរក្សថ្នាក់លេខ២ ឯម និមល ប្រធានពន្ធនាគារខេត្តកណ្ដាល។

ក្នុងកិច្ចប្រជុំដែលបានប្រព្រឹត្តទៅនៅព្រឹកថ្ងៃទី១៨ ខែមេសា ឆ្នាំ២០២៦ នាសាលប្រជុំពន្ធនាគារ លោកប្រធានបានវាយតម្លៃលទ្ធផលការងារកន្លងមកថា មានការរីកចម្រើនគួរឱ្យកត់សម្គាល់ ពិសេសការរក្សាសុវត្ថិភាព សន្តិសុខ និងការគ្រប់គ្រងអ្នកជាប់ឃុំឲ្យបានតឹងរឹងតាមបទដ្ឋានវិជ្ជាជីវៈ។

ជាមួយគ្នានេះ លោកក៏បានថ្លែងកោតសរសើរដល់ថ្នាក់ដឹកនាំ និងមន្ត្រីទាំងអស់ ដែលបានខិតខំបំពេញភារកិច្ចដោយមានការទទួលខុសត្រូវខ្ពស់ និងសហការល្អក្នុងការអនុវត្តការងារ។

សម្រាប់ទិសដៅខែឧសភា អង្គប្រជុំបានលើកឡើងពីការបន្តពង្រឹងវិន័យការងារ បង្កើនប្រសិទ្ធភាពគ្រប់គ្រង និងលើកកម្ពស់គុណភាពសេវាកម្មក្នុងប្រព័ន្ធពន្ធនាគារ ដើម្បីធានាបាននូវសន្តិសុខ សណ្តាប់ធ្នាប់ និងភាពជឿជាក់ពីសាធារណៈជន៕