ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ សែម សម្ភស្ស បង្ហាញពីវីរភាពនៃកត្តញ្ញូ និងការគោរពដ៏ខ្ពង់ខ្ពស់ ចំពោះមាតាបិតា ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ

(ភ្នំពេញ)៖ ក្នុងឱកាសដ៏សប្បាយរីករាយ នៃបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៦ ដែលជាពេលវេលាដ៏មានន័យសម្រាប់ការជួបជុំគ្រួសារ និងបង្ហាញពីកត្តញ្ញូធម៌ចំពោះមាតាបិតា និងអ្នកមានគុណ នាថ្ងៃទី១៤ ខែមេសា ឆ្នាំ២០២៦ ដែលជាថ្ងៃមហាសង្ក្រាន្ត ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ សែម សម្ភស្ស ព្រមទាំងបងប្អូន កូនចៅ បានអញ្ជើញមកស្រង់ទឹកជូនអ្នកម្តាយជាទីគោរពស្រលាញ់យ៉ាងជ្រាលជ្រៅ ព្រមទាំងប្រគេនចង្ហាន់ដល់អ្នកមានគុណ ដើម្បីសូមពរជ័យ សេចក្តីសុខ និងសុភមង្គលក្នុងឆ្នាំថ្មី។

បន្តមកទៀត នៅថ្ងៃទី១៥ ខែមេសា ឆ្នាំ២០២៦ ដែលជាថ្ងៃវារៈវ័នបត ឯកឧត្តម និងលោកជំទាវ រួមជាមួយកូនចៅទាំងអស់ បានអញ្ជើញទៅកាន់គេហដ្ឋានជីដូន និងលោកឪពុក ដើម្បីអនុវត្តប្រពៃណីដ៏ល្អប្រសើរ ដូចជាការថ្វាយដង្វាយ ស្រង់ទឹក សំអាតលំនៅដ្ឋាន និងរៀបចំផ្ទះឲ្យបានស្អាតរមណីយដ្ឋាន ដើម្បីបង្ហាញពីការគោរព ស្រលាញ់ និងការយកចិត្តទុកដាក់ចំពោះអ្នកមានគុណយ៉ាងជ្រាលជ្រៅ។

សកម្មភាពដ៏មានន័យទាំងនេះ មិនត្រឹមតែបង្ហាញពីវីរភាពនៃកត្តញ្ញូ និងសីលធម៌ដ៏ល្អរបស់ឯកឧត្តម នាយឧត្តមសេនីយ៍ និងលោកជំទាវប៉ុណ្ណោះទេ ប៉ុន្តែថែមទាំងជាគំរូល្អសម្រាប់សង្គម ក្នុងការរក្សាទុក និងលើកស្ទួយប្រពៃណីជាតិខ្មែរ ឲ្យបន្តរីកចម្រើនពីជំនាន់មួយទៅជំនាន់មួយ។

អំពើល្អ និងទំនៀមទម្លាប់ដ៏ប្រណិតនេះ គឺជាកញ្ចក់បញ្ចាំងឲ្យឃើញពីតម្លៃនៃគ្រួសារ និងសេចក្តីស្រលាញ់ដែលមិនអាចវាស់វែងបាន ដែលគួរឲ្យគោរព និងយកតម្រាប់តាមយ៉ាងខ្ពង់ខ្ពស់៕