រដ្ឋមន្ត្រីព័ត៌មានអំពាវនាវអ្នកសារព័ត៌មាន ប្រយុទ្ធប្រឆាំង “Fake News” ខណៈផ្ញើសារជូនពរឆ្នាំថ្មី

(ភ្នំពេញ)៖ ក្នុងឱកាសពិធីបុណ្យចូលឆ្នាំថ្មីប្រពៃណីជាតិ ឆ្នាំ២០២៦ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានចេញសារលិខិតជូនពរដល់សមាគម អង្គភាព អ្នកសារព័ត៌មាន និងអ្នកអនុវត្តវិស័យព័ត៌មាន និងសោតទស្សន៍ទាំងអស់នៅកម្ពុជា។

ក្នុងសារនោះ ឯកឧត្តមបានសម្ដែងការកោតសរសើរខ្ពស់ចំពោះអ្នកសារព័ត៌មាន ដែលបានបំពេញតួនាទីប្រកបដោយវិជ្ជាជីវៈ និងទទួលខុសត្រូវ ក្នុងការផ្សព្វផ្សាយព័ត៌មានពិត និងត្រឹមត្រូវជូនសាធារណជន។

ជាមួយគ្នានេះ រដ្ឋមន្ត្រីក្រសួងព័ត៌មានបានអំពាវនាវឱ្យបន្តពង្រឹងគុណភាពព័ត៌មាន ដោយគោរពក្រមសីលធម៌វិជ្ជាជីវៈ និងប្រយុទ្ធប្រឆាំងព័ត៌មានក្លែងក្លាយ (Fake News) ដើម្បីធានាសន្តិសុខ និងសុវត្ថិភាពព័ត៌មានក្នុងសង្គម។

ឯកឧត្តមក៏បានផ្ញើសារជូនពរឆ្នាំថ្មី ដល់អ្នកសារព័ត៌មានទាំងអស់ សូមប្រកបដោយសុខភាពល្អ សុភមង្គល និងជោគជ័យគ្រប់ភារកិច្ច៕