បង្ហាញមុខជនសង្ស័យ ៣៥នាក់ ពាក់ព័ន្ធឃាតកម្ម ក្មេងទំនើង និងលួចម៉ូតូ នៅភ្នំពេញ បញ្ជូនទៅតុលាការ

(ភ្នំពេញ)៖ នាព្រឹកថ្ងៃទី១០ ខែមេសា ឆ្នាំ២០២៦នេះ កម្លាំងនគរបាលរាជធានីភ្នំពេញ បានរៀបចំបង្ហាញមុខជនសង្ស័យសរុបចំនួន ៣៥នាក់ ពាក់ព័ន្ធនឹងករណីបទល្មើសធ្ងន់ធ្ងរជាច្រើន រួមមាន៖ ករណីឃាតកម្មដោយប្រើកាំបិតចាក់សម្លាប់ស្ត្រីវ័យចំណាស់ម្នាក់, ករណីប៉ុនប៉ងឃាតកម្ម, សកម្មភាពក្រុមក្មេងទំនើងដែលមានរហស្សនាម “តូបចែ (TJ)” និង “កាបស្លុយ (KS)” ព្រមទាំងករណីលួចម៉ូតូ ដែលសមត្ថកិច្ចបានបង្ក្រាបយ៉ាងទាន់ពេលវេលា និងមានប្រសិទ្ធភាព។

ប្រតិបត្តិការនេះបង្ហាញពីការខិតខំប្រឹងប្រែង និងវិជ្ជាជីវៈខ្ពស់របស់កម្លាំងសមត្ថកិច្ច ក្នុងការការពារសុវត្ថិភាព សន្តិសុខ និងសណ្តាប់ធ្នាប់សាធារណៈ ជូនប្រជាពលរដ្ឋនៅរាជធានីភ្នំពេញ។

បន្ទាប់ពីបញ្ចប់នីតិវិធីបង្ហាញមុខ ជនសង្ស័យទាំងអស់ត្រូវបានបញ្ជូនទៅកាន់សាលាដំបូងរាជធានីភ្នំពេញ ដើម្បីបន្តចាត់វិធានការតាមផ្លូវច្បាប់យ៉ាងតឹងរឹង ស្របតាមនីតិរដ្ឋ៕