ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ផ្ញើសារជូនពរ ឯកឧត្តម ស សុខា ក្នុងឱកាសបុណ្យចូលឆ្នាំថ្មីប្រពៃណីជាតិ
(ភ្នំពេញ)៖ ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស ២៥៧០ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ក្រសួងមហាផ្ទៃ និងលោកជំទាវ ព្រមទាំងក្រុមគ្រួសារ បានផ្ញើលិខិតជូនពរ ប្រកបដោយក្តីគោរព និងសេចក្តីសោមនស្សយ៉ាងជ្រាលជ្រៅ ជូនចំពោះ ឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ កែ សួនសុភី ស សុខា។
ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ បានសម្តែងអំណរសាទរ និងក្តីរីករាយយ៉ាងជ្រាលជ្រៅ ចំពោះឱកាសបុណ្យប្រពៃណីជាតិដ៏សំខាន់នេះ ព្រមទាំងបានបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមមេត្តាប្រោះព្រំសិរីសួស្តី ជ័យមង្គល និងវិបុលសុខគ្រប់ប្រការ ជូនដល់ឯកឧត្តម អភិសន្តិបណ្ឌិត ស សុខា និងលោកជំទាវ ព្រមទាំងបុត្រ និងក្រុមគ្រួសារ។
ឯកឧត្តម នាយឧត្តមសេនីយ៍និងលោកជំទាវ ក៏សូមគោរពបួងសួងឱ្យឯកឧត្តមឧបនាយករដ្ឋមន្ត្រី និងលោកជំទាវ ព្រមទាំងបុត្រ និងក្រុមគ្រួសារ ទទួលបានពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីបន្តបំពេញបេសកកម្មដ៏ឧត្តុង្គឧត្តម ក្នុងការបម្រើជាតិ សាសនា និងព្រះមហាក្សត្រ ឱ្យកាន់តែរីកចម្រើនរុងរឿង។
ក្នុងឱកាសដ៏វិសេសវិសាលនេះផងដែរ ឯកឧត្តមនិងលោកជំទាវ ព្រមទាំងក្រុមគ្រួសារ ក៏បានសម្តែងនូវក្តីគោរព និងស្មោះស្ម័គ្រយ៉ាងជ្រាលជ្រៅ ជូនចំពោះឯកឧត្តម អភិសន្តិបណ្ឌិត ស សុខា និងលោកជំទាវ ដោយក្តីគោរពខ្ពង់ខ្ពស់បំផុត៕
