ឯកឧត្តម នាយឧត្តមសេនីយ៍ ឈន សារ៉ាណេ ផ្ញើសារជូនពរ សម្តេចក្រឡាហោម ស ខេង ក្នុងឱកាសបុណ្យចូលឆ្នាំថ្មីប្រពៃណីជាតិ

(ភ្នំពេញ)៖ ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំមមី អដ្ឋស័ក ព.ស ២៥៧០ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ក្រសួងមហាផ្ទៃ និងលោកជំទាវ ព្រមទាំងក្រុមគ្រួសារ បានផ្ញើលិខិតជូនពរ ប្រកបដោយក្តីគោរព និងសេចក្តីសោមនស្សយ៉ាងជ្រាលជ្រៅ ជូនចំពោះ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ ញ៉ែម សាខន ស ខេង។

ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ បានសម្តែងអំណរសាទរ និងក្តីរីករាយយ៉ាងជ្រាលជ្រៅ ចំពោះឱកាសបុណ្យប្រពៃណីជាតិដ៏សំខាន់នេះ ព្រមទាំងបានបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមមេត្តាប្រោះព្រំសិរីសួស្តី ជ័យមង្គល និងវិបុលសុខគ្រប់ប្រការ ជូនដល់សម្តេចក្រឡាហោម និងលោកជំទាវ ព្រមទាំងក្រុមគ្រួសារ។

ឯកឧត្តម នាយឧត្តមសេនីយ៍និងលោកជំទាវគោរពបួងសួងជូនពរឱ្យសម្តេច និងលោកជំទាវ ទទួលបានពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីបន្តបំពេញបេសកកម្មដ៏ឧត្តុង្គឧត្តម ក្នុងការបម្រើជាតិ សាសនា និងព្រះមហាក្សត្រ ឱ្យកាន់តែរីកចម្រើនរុងរឿង។

ក្នុងឱកាសដ៏វិសេសវិសាលនេះផងដែរ ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ព្រមទាំងក្រុមគ្រួសារ ក៏បានសម្តែងនូវក្តីគោរព ស្មោះស្ម័គ្រយ៉ាងជ្រាលជ្រៅ ជូនចំពោះសម្តេចក្រឡាហោម និងលោកជំទាវ ដោយសេចក្ដីគោរពខ្ពង់ខ្ពស់បំផុត៕