ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ផ្ញើលិខិតជូនពរ សម្តេចវិបុលសេនាភក្តី សាយ ឈុំ និងលោកជំទាវ ក្នុងឱកាសបុណ្យចូលឆ្នាំខ្មែរ

(ភ្នំពេញ)៖ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ពុទ្ធសករាជ ២៥៧០ ដែលនឹងឈានចូលមកដល់នាពេលឆាប់ៗនេះ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការ ក្រសួងមហាផ្ទៃ និងលោកជំទាវ ព្រមទាំងក្រុមគ្រួសារ បានផ្ញើលិខិតជូនពរ ប្រកបដោយក្តីគោរព និងសេចក្តីសោមនស្ស ជូនចំពោះ សម្តេចវិបុលសេនាភក្តី សាយ ឈុំ ឧត្តមប្រឹក្សាផ្ទាល់ព្រះមហាក្សត្រ និងលោកជំទាវ អ៊ូ សាន សាយ ឈុំ។

យោងតាមខ្លឹមសារលិខិតជូនពរ ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ព្រមទាំងក្រុមគ្រួសារបានសម្តែងអំណរសាទរ និងក្តីរីករាយយ៉ាងជ្រាលជ្រៅ ចំពោះឱកាសបុណ្យប្រពៃណីជាតិដ៏សំខាន់នេះ ព្រមទាំងបានបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក ទេវតាឆ្នាំថ្មី ព្រះនាម រាក្យសារទវី សូមមេត្តាប្រោះព្រំសិរីសួស្តី ជ័យមង្គល និងវិបុលសុខគ្រប់ប្រការ ជូនដល់ សម្តេចវិបុលសេនាភក្តី និងលោកជំទាវ ព្រមទាំងបុត្រា បុត្រី ចៅប្រុស ចៅស្រី។

លិខិតដដែលបានបញ្ជាក់ថា សូមឱ្យ សម្តេច និងលោកជំទាវ ទទួលបានពុទ្ធពរទាំងបួនប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បីបន្តបំពេញបេសកកម្មដ៏ឧត្តុង្គឧត្តម ក្នុងការបម្រើជាតិ សាសនា និងព្រះមហាក្សត្រ ឱ្យកាន់តែរីកចម្រើនរុងរឿង។

ក្នុងឱកាសនេះផងដែរ ឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ព្រមទាំងក្រុមគ្រួសារ ក៏បានសម្តែងក្តីគោរព និងស្មោះស្ម័គ្រយ៉ាងជ្រាលជ្រៅ ជូនចំពោះ សម្តេចវិបុលសេនាភក្តី និងលោកជំទាវផងដែរ៕