Updated: សាកសពក្មេងប្រុសគ្មានអត្តសញ្ញាណ ត្រូវបានសាច់ញាតិមកទទួលយកទៅធ្វើបុណ្យរួចរាល់

(កណ្ដាល)៖ សាកសពក្មេងប្រុសម្នាក់ ដែលបានស្លាប់ក្នុងគ្រោះថ្នាក់ចរាចរណ៍ ហើយមិនមានអត្តសញ្ញាណបញ្ជាក់ ត្រូវបានសាច់ញាតិមកទទួលយកទៅធ្វើបុណ្យតាមប្រពៃណីរួចរាល់ហើយ បន្ទាប់ពីមន្ទីរពេទ្យបានចេញសេចក្តីជូនដំណឹងស្វែងរកអស់រយៈពេលមួយ។

តាមប្រភពពីមន្ទីរពេទ្យតេជោសែនកោះធំ បានឲ្យដឹងថា ក្មេងប្រុសរងគ្រោះត្រូវបានបញ្ជូនមកពីសង្កាត់ព្រែកជ្រៃ ក្រុងសំពៅពូន ប៉ុន្តែបានស្លាប់មុនពេលមកដល់មន្ទីរពេទ្យ ហើយនៅលើខ្លួនមិនមានឯកសារណាមួយអាចបញ្ជាក់អត្តសញ្ញាណបានឡើយ។

នៅថ្ងៃទី៨ ខែមេសា ឆ្នាំ២០២៦នេះ លោក ឆែ វណ្ឌឌី អភិបាលស្រុកកោះធំ បានបញ្ជាក់ប្រាប់អង្គភាព The Mirror News ថា បន្ទាប់ពីមានការផ្សព្វផ្សាយស្វែងរក សាច់ញាតិបានមកទាក់ទង និងទទួលយកសាកសពក្មេងប្រុសរងគ្រោះទៅធ្វើបុណ្យតាមប្រពៃណីជាតិរួចរាល់ហើយ។

គួរបញ្ជាក់ថា មុននេះមន្ទីរពេទ្យបានអំពាវនាវដល់ប្រជាពលរដ្ឋ ដែលមានសមាជិកគ្រួសារបាត់ខ្លួន និងមានលក្ខណៈស្រដៀង មកពិនិត្យផ្ទៀងផ្ទាត់អត្តសញ្ញាណ ដើម្បីទទួលយកសព។ បច្ចុប្បន្ន ករណីនេះត្រូវបានដោះស្រាយរួចរាល់ក្រោយសាច់ញាតិបានបញ្ជាក់អត្តសញ្ញាណ និងទទួលយកទៅធ្វើបុណ្យតាមប្រពៃណី៕