សម្តេចបវរធិបតី ហ៊ុន ម៉ាណែត ចេញសារលិខិតអបអរសាទរ ទិវាជាតិលើកកម្ពស់ការប្រើប្រាស់ផលិតផលខ្មែរ លើកទី៩ ឆ្នាំ២០២៦

(ភ្នំពេញ)៖ សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញសារលិខិតអបអរសាទរ ក្នុងឱកាសទិវាជាតិលើកកម្ពស់ការប្រើប្រាស់ផលិតផលខ្មែរ ៩ មេសា លើកទី៩ ឆ្នាំ២០២៦ ក្រោមប្រធានបទ «ខ្មែរផលិត ខ្មែរប្រើប្រាស់ ខ្មែររីកចម្រើន»។

ក្នុងសារលិខិតនោះ សម្តេចនាយករដ្ឋមន្ត្រី បានបញ្ជាក់ថា ទិវាជាតិនេះ គឺជាវេទិកាសំខាន់មួយក្នុងការលើកកម្ពស់ និងជំរុញឱ្យប្រជាពលរដ្ឋខ្មែរទាំងអស់ ចូលរួមគាំទ្រផលិតផលក្នុងស្រុក ដើម្បីរួមចំណែកអភិវឌ្ឍសេដ្ឋកិច្ចជាតិ ឱ្យកាន់តែរឹងមាំ និងមានភាពប្រកួតប្រជែងខ្ពស់លើទីផ្សារអន្តរជាតិ។

សម្តេចបន្ថែមថា ការប្រើប្រាស់ផលិតផលខ្មែរ មិនត្រឹមតែជាការគាំទ្រដល់សហគ្រាសក្នុងស្រុកប៉ុណ្ណោះទេ ប៉ុន្តែថែមទាំងជួយបង្កើតការងារ បង្កើនប្រាក់ចំណូល និងលើកកម្ពស់ជីវភាពរស់នៅរបស់ប្រជាពលរដ្ឋផងដែរ។

ជាមួយគ្នានេះ សម្តេចក៏បានអំពាវនាវដល់ស្ថាប័នពាក់ព័ន្ធ វិស័យឯកជន និងប្រជាពលរដ្ឋទូទាំងប្រទេស បន្តរួមគ្នាផ្សព្វផ្សាយ និងលើកទឹកចិត្តឱ្យមានការប្រើប្រាស់ផលិតផលខ្មែរ ឱ្យកាន់តែទូលំទូលាយ ដើម្បីជំរុញកំណើនសេដ្ឋកិច្ចជាតិឱ្យមានចីរភាព។

ខាងក្រោមនេះ ជាសារលិខិតទាំងស្រុងរបស់សម្តេចនាយករដ្ឋមន្ត្រី៖