ឆ្មក់បង្ក្រាបទីតាំង Online Scam ខណ្ឌសែនសុខ ឃាត់ជនបរទេសជាង៥០នាក់

(ភ្នំពេញ)៖ នៅវេលាម៉ោងប្រមាណ ៩៖៣០នាទីយប់ ថ្ងៃទី៣០ ខែមីនា ឆ្នាំ២០២៦ កម្លាំងគណៈបញ្ជាការឯកភាពរាជធានីភ្នំពេញ បានបើកប្រតិបត្តិការឆ្មក់បង្ក្រាបបទល្មើស Online Scam នៅផ្ទះសំណាក់មួយកន្លែង ក្នុងសង្កាត់អូរបែកក្អម ខណ្ឌសែនសុខ។

ប្រតិបត្តិការនេះធ្វើឡើងក្រោមការបញ្ជាផ្ទាល់ពីលោក ឃួង ស្រេង និងលោកឧត្តមសេនីយ៍ឯក ជួន ណារិន្ទ ដោយមានការសម្របសម្រួលពីតំណាងអយ្យការ បន្ទាប់ពីទទួលបានព័ត៌មានអំពីសកម្មភាពលួចបង្កប់ប្រព្រឹត្តបទល្មើស។

លទ្ធផល កម្លាំងសមត្ថកិច្ចបានឃាត់ខ្លួនជនបរទេសជាង៥០នាក់ ព្រមទាំងដកហូតសម្ភារជាច្រើនដែលពាក់ព័ន្ធនឹងបទល្មើស។ បច្ចុប្បន្ន ជនសង្ស័យ និងវត្ថុតាង ត្រូវបានរក្សាទុក ដើម្បីចាត់ការតាមនីតិវិធីបន្ត៕