មេដឹកនាំល្អចុះដល់កន្លែងពិត! ឯកឧត្តម គួច ចំរេីន បង្ហាញការយកចិត្តទុកដាក់ខ្ពស់លើករណីលិចទូកដ៏សោកសៅនៅជិតព្រំប្រទល់ឃុំពុកឬស្សី ស្រុកខ្សាច់កណ្តាល!

(កណ្ដាល)៖ ក្នុងគ្រាដែលព្រឹត្តិការណ៍ដ៏សោកសៅមួយបានកើតឡើង ឯកឧត្តម គួច ចំរេីន អភិបាល នៃគណៈអភិបាលខេត្តកណ្ដាល បានបង្ហាញពីភាពជាមេដឹកនាំដែលមានទំនួលខុសត្រូវខ្ពស់ ដោយបានចុះពិនិត្យមើលទីតាំងកើតហេតុដោយផ្ទាល់ ករណីលិចទូកមួយ ស្ថិតនៅសង្កាត់កោះដាច់ ខណ្ឌជ្រោយចង្វារ រាជធានីភ្នំពេញ ជិតព្រំប្រទល់ឃុំពុកឬស្សី ស្រុកខ្សាច់កណ្តាល ខេត្តកណ្តាល នៅពីថ្ងៃទី២៣ ខែមីនា ឆ្នាំ២០២៦នេះ។

ការចុះដល់ទីតាំងជាក់ស្តែងនេះ បានបង្ហាញពីការយកចិត្តទុកដាក់ និងការខិតខំប្រឹងប្រែងរបស់ឯកឧត្តម ក្នុងការតាមដានស្ថានការណ៍យ៉ាងជិតស្និទ្ធ ជាពិសេសនៅពេលដែលហេតុការណ៍នេះបានបណ្តាលឲ្យមានអ្នកស្លាប់ដល់ទៅ ៨នាក់ ក្នុងនោះមានប្រជាពលរដ្ឋរស់នៅឃុំពុកឬស្សីចំនួន ៤នាក់ផងដែរ។

មិនត្រឹមតែចុះពិនិត្យប៉ុណ្ណោះទេ ឯកឧត្តមក៏បានណែនាំឱ្យអាជ្ញាធរពាក់ព័ន្ធ និងកម្លាំងសមត្ថកិច្ច បន្តខិតខំស្រាវជ្រាវ រកមូលហេតុពិតប្រាកដ និងពង្រឹងវិធានការសុវត្ថិភាព ដើម្បីបង្ការ កុំឲ្យមានហេតុការណ៍ដូចនេះកើតឡើងម្ដងទៀត។

សកម្មភាពនេះ បានទទួលការសរសើរពីមហាជនថា ជាគំរូល្អនៃមេដឹកនាំដែលមិនទុកឲ្យប្រជាពលរដ្ឋនៅឯកោ ពេលជួបគ្រោះថ្នាក់ ហើយតែងតែឈរនៅជាមួយប្រជាពលរដ្ឋ ក្នុងគ្រប់ស្ថានភាព៕