រដ្ឋមន្រ្តីសុខាភិបាល ជំរុញពង្រឹងធនធានមនុស្ស និងគុណភាពសេវាសុខាភិបាល

(ភ្នំពេញ)៖ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល បានជំរុញឱ្យមន្ត្រី និងបុគ្គលិកសុខាភិបាលទាំងអស់ ពង្រឹងប្រសិទ្ធភាពការងារ ដោយប្រកាន់ខ្ជាប់វិជ្ជាជីវៈ ក្រមសីលធម៌ និងឆន្ទៈមុះមុត ក្នុងការបម្រើសុខភាពជូនប្រជាពលរដ្ឋឱ្យកាន់តែមានគុណភាព សុវត្ថិភាព និងសមធម៌។

ការណែនាំនេះ ត្រូវបានលើកឡើងក្នុងកិច្ចប្រជុំជាមួយថ្នាក់ដឹកនាំ និងមន្ត្រីនាយកដ្ឋានធនធានមនុស្ស ព្រមទាំងបុគ្គលិកមន្ទីរពេទ្យជាតិ នៅថ្ងៃទី១៨ មីនា ឆ្នាំ២០២៦ នៅក្រសួងសុខាភិបាល។

ឯកឧត្តមរដ្ឋមន្រ្តី បានដាក់ចេញអនុសាសន៍សំខាន់ៗ រួមមាន ការគ្រប់គ្រងធនធានមនុស្សតាមច្បាប់ លើកកម្ពស់ការបណ្តុះបណ្តាលវិជ្ជាជីវៈ ពង្រឹងអភិបាលកិច្ច និងភាពជាអ្នកដឹកនាំ ព្រមទាំងបង្កើតបរិយាកាសការងារល្អ ដើម្បីលើកទឹកចិត្តបុគ្គលិកសុខាភិបាល។

ជាមួយគ្នានេះ ក៏បានជំរុញការសហការជាមួយស្ថាប័នពាក់ព័ន្ធ និងការពង្រឹងតម្លាភាព សុចរិតភាព ដើម្បីលើកកម្ពស់គុណភាពសេវាសុខាភិបាលឱ្យកាន់តែប្រសើរ

ឡើង៕