ដោះស្រាយរួចរាល់! កម្មករ រោងចក្រ J Star Garment វិលចូលធ្វើការវិញព្រឹកស្អែក

(ភ្នំពេញ)៖ ការទាមទាររបស់កម្មករកម្មការិនី រោងចក្រ J Star Garment នៅខេត្តកំពង់ស្ពឺ ត្រូវបានដោះស្រាយបញ្ចប់សព្វគ្រប់នៅថ្ងៃទី១៨ ខែមីនា ឆ្នាំ២០២៦ ខណៈកម្មករនឹងវិលចូលធ្វើការវិញជាធម្មតា នៅព្រឹកថ្ងៃទី១៩ ខែមីនា ឆ្នាំ២០២៦ស្អែកនេះ។

អ្នកនាំពាក្យក្រសួងការងារ លោក ស៊ុន មេសា បញ្ជាក់ថា បន្ទាប់ពីមានការចុះសម្របសម្រួលភ្លាមៗពីមន្ត្រីជំនាញ កង្វល់របស់កម្មករត្រូវបានដោះស្រាយសះជា ដោយភាគីពាក់ព័ន្ធឈានដល់កិច្ចព្រមព្រៀងចំនួន៥ចំណុច រួមមាន មិនកាត់ប្រាក់ថ្លៃបាយ បើកប្រាក់តាមថ្ងៃធ្វើការ និងម៉ោងបន្ថែម ព្រមទាំងផ្តល់អត្ថប្រយោជន៍បន្ថែមដល់កម្មករ។

ក្រសួងការងារ ក៏បានអំពាវនាវឱ្យនិយោជក និងកម្មករនិយោជិត ដោះស្រាយបញ្ហាតាមយន្តការផ្លូវការ ដើម្បីធានាស្ថិរភាពការងារ និងការផលិតប្រកបដោយប្រសិទ្ធភាព៕