ប៉ូលិសក្រុងបាត់ដំបង ចុះបង្ក្រាបមុខសញ្ញាប្រើប្រាស់គ្រឿងញៀនអុកឡុកក្នុងសហគមន៍ ឃាត់ខ្លួនបាន៦នាក់

(បាត់ដំបង)៖ ដោយអនុវត្តតាមបទបញ្ជាយ៉ាងហ្មឹងម៉ាត់ពីនាយឧត្តមសេនីយ៍ ស ថេត អគ្គស្នងការនគរបាលជាតិ និងការណែនាំរបស់លោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្តបាត់ដំបង នៅថ្ងៃទី១៤ ខែមីនា ឆ្នាំ២០២៧ កម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលក្រុងបាត់ដំបង ដឹកនាំដោយលោកវរសេនីយ៍ឯក ពេជ្រ សារ៉ែន អធិការនគរបាលក្រុង បានចុះបង្ក្រាបមុខសញ្ញាប្រើប្រាស់គ្រឿងញៀន ដែលតែងបង្កអុកឡុកក្នុងក្រុមគ្រួសារ និងធ្វើឲ្យប្រជាពលរដ្ឋក្នុងមូលដ្ឋានមានការភ័យខ្លាច។

ក្នុងប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន ៦នាក់ រួមមាន វ៉ាន់ ម៉ាត្រា, ធុច ជេលី, អ៊ុក ផារ៉ា, រឿន សុវណ្ណពិសិដ្ឋ, សុខា សិលា និង កឹម វាសនា ហើយនាំមកសាកសួរនៅអធិការដ្ឋាននគរបាលក្រុងបាត់ដំបង។

បច្ចុប្បន្ន សមត្ថកិច្ចបានកសាងសំណុំរឿង បញ្ជូនជនទាំង៦នាក់ទៅ មណ្ឌលកែប្រែពិភពនៃក្តីសង្ឃឹម ស្រុកបវេល ខេត្តបាត់ដំបង ដើម្បីធ្វើការព្យាបាល និងបន្សាបគ្រឿងញៀន តាមសំណូមពររបស់សហគមន៍ និងអាណាព្យាបាល៕