ពលរដ្ឋដែលមានដីអាស្រ័យផលលើដីកោះមាសជាង៥០% ព្រមទទួលថវិកាសំណងផលប៉ះពាល់

(កណ្តាល)៖ ប្រជាពលរដ្ឋដែលមានដីអាស្រ័យផល លើដីកោះមាសសរុបជាង៥០%ហើយ បានមកទទួលថវិកា សំណងផលប៉ះពាល់លើដីកោះមាស។នេះបើតាមប្រភពពីរដ្ឋបាលខេត្តកណ្ដាលដែលអង្គភាព The Mirror News ទទួលបាននៅថ្ងៃនេះ។

រដ្ឋបាលខេត្តកណ្ដាលបានបញ្ជាក់ឲ្យដឹងថា ជាក់ស្តែង នៅថ្ងៃនេះ ប្រជាពលរដ្ឋចំនួន៣គ្រួសារទៀត ដែលមានដីអាស្រ័យផលនៅទីតាំង ដីកោះមាស ស្ថិតនៅភូមិ កោះប្រាក់ ឃុំភូមិធំ ស្រុកកៀនស្វាយ ខេត្តកណ្តាល បានយល់ព្រមមកទទួលយកថវិកា ដែលជាសំណងផលប៉ះពាល់ ពីក្រុមការងាររបស់រដ្ឋបាលខេត្តកណ្តាល ស្របតាមសេចក្តីជូនដំណឹង លេខ៦៨១សជណ.ដប ចុះថ្ងៃទី ២៧ ខែកក្កដា ឆ្នាំ២០២៣ របស់ទីស្តីការគណៈរដ្ឋមន្ត្រី៕