ក្រុមប៉ូលិសក្រុងតាខ្មៅឃាត់ខ្លួនអ្នកក្លាហាន២នាក់ ពាក់ព័ន្ធការប្រើហឹង្សានិងបំផ្លិចបំផ្លាញទ្រព្យសម្បត្តិអ្នកដទៃនៅសង្កាត់សិត្បូ!

(កណ្ដាល)៖ ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅថ្ងៃទី១១ ខែមីនា ឆ្នាំ២០២៦ កម្លាំងនគរបាលព្រហ្មទណ្ឌក្រុងតាខ្មៅ និងប៉ុស្តិ៍នគរបាលរដ្ឋបាលសិត្បូដឹកនាំបញ្ជាដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ស្រាវជ្រាវឈានដល់ការបង្ក្រាបឃាត់ខ្លួនជនសង្ស័យ២នាក់ចំណុចភូមិព្រែកត្រែង សង្កាត់សិក្យូ ក្រុងតាខ្មៅ ខេត្តកណ្តាល ពាក់ព័ន្ធករណីហិង្សាដោយចេតនា (បង្កឡើងដោយក្មេងទំនើង) ជនសង្ស័យចំនួន២នាក់៖ *១.ឈ្មោះ ជា សូយស៊ីន អាយុ ១៥ឆ្នាំ ភេទប្រុស ជនជាតិខ្មែរ  ទីលំនៅ ភូមិព្រែកតាឯក ឃុំត្រើយស្លា ស្រុកស្អាង ខេត្តកណ្តាល មុខរបរសិស្ស *២. ឈ្មោះ គ្រុយ ជាវ៉ាន់ ហៅ ហែង ភេទប្រុស អាយុ១៥ឆ្នាំ ជនជាតិខ្មែរ  ទីលំនៅភូមិក្បាលកោះតូច ឃុំតាលន់ ស្រុកស្អាង ខេត្តកណ្តាល មុខរបរសិស្ស ជនសង្ស័យទាំង០២នាក់ អវិជ្ជមានសារធាតុញៀន(-) ។

ចំពោះបក្សពួកផ្សេងទៀតដែលបានរត់គេចខ្លួន កម្លាំងជំនាញកំពុងស្រាវជ្រាវដើម្បីយកមកអនុវត្តច្បាប់បន្តរ។

បច្ចុប្បន្នជនសង្ស័យបានបញ្ជូនទៅអយ្យការអមសាលាដំបូងខេត្តកណ្តាលដើម្បីចាត់ការតាមនីតិវិធី៕