សាលាដំបូង និងអយ្យការអមសាលាដំបូងខេត្តតាកែវ បានប្រារព្ធពិធីអបអរសាទរខួបលើកទី១១៥ ទិវាអន្តរជាតិនាទី ៨ មីនា ឆ្នាំ២០២៦ ក្រោមប្រធានបទ “សន្តិភាព និងសន្តិសុខស្ត្រី និងគ្រួសារ”

(ភ្នំពេញ)៖ នាព្រឹកថ្ងៃពុធ ទី០៤ ខែមីនា ឆ្នាំ២០២៦ វេលាម៉ោង៩៖៣០០នាទីព្រឹក នៅសាលប្រជុំធំ សាលាដំបូងខេត្តតាកែវ បានបានប្រារព្ធពិធីអបអរសាទរខួបលើកទី១១៥ ទិវារអន្តរជាតិនាទី ៨ មីនា ឆ្នាំ២០២៦ ក្រោមអធិបតីភាព ឯកឧត្តម ធាម ច័ន្ទពិសិដ្ឋ ប្រធានសាលាដំបូងខេត្តតាកែវ និងឯកឧត្តម ឯក ឆេងហួត ព្រះរាជអាជ្ញា នៃអយ្យការអមសាលាដំបូងខេត្តតាកែវ ដោយមានការចូលរួមដោយ លោកអនុប្រធានសាលាដំបូង លោក-លោកស្រីព្រះរាជអាជ្ញារង ចៅក្រម ប្រធាន-អនុប្រធានលេខាធិការដ្ឋាន សិស្សចៅក្រម-ព្រះរាជអាជ្ញា ក្រឡាបញ្ជី ប្រធាន -អនុប្រធានការិយាល័យ មន្ត្រីលេខាធិការដ្ឋាន មន្ត្រីជាប់កិច្ចសន្យា និងបុគ្គលិកហាត់ការទាំងអស់នៃសាលាដំបូង និងអយ្យការអមសាលាដំបូងខេត្តតាកែវ។

ក្នុងនោះដែរ ឯកឧត្ដមប្រធានសាលាដំបូង និងឯកឧត្តមព្រះរាជអាជ្ញា បានលើកអំពីតម្លៃនៃសន្តិភាព ដែលមិនអាចកាត់ថ្លៃបានសម្រាប់ប្រជាពលរដ្ឋ ដើម្បីការអភិវឌ្ឍន៍ប្រទេសឆ្ពោះទៅរកភាពរីកចម្រើន និងការខិតខំប្រឹងប្រែងរបស់ប្រមុខរដ្ឋាភិបាលលះបង់អស់កម្លាំងកាយ កម្លាំងចិត្ត ក្នុងការស្វែងរកយុត្តិធម៌ និងសន្តិភាព ជូនប្រជាពលរដ្ឋកម្ពុជា។

ឯកឧត្តមប្រធានសាលាដំបូង និងឯកឧត្តមព្រះរាជអាជ្ញា បានលើកឡើងអំពីគោលនយោបាយរបស់រាជរដ្ឋាភិបាលដែលបានយកចិត្តទុកដាក់ក្នុងការលើកកម្ពស់ និងផ្តល់តម្លៃចំពោះសិទ្ធិនារី តាមរយៈការបង្កើនសមាសភាពស្ត្រីក្នុងជួរថ្នាក់ដឹកនាំ និងការគាំទ្រដល់ការចូលរួមរបស់ស្ត្រីក្នុងគ្រប់វិស័យនៃសង្គម រួមទាំងការធ្វើសេចក្តីសម្រេចចិត្តនៅថ្នាក់ជាតិ និងថ្នាក់ក្រោមជាតិ រួមទាំងវិស័យុត្តិធម៌ផងដែរ។ ជម្រុញឱ្យមន្ត្រីទាំងអស់ពង្រឹងសមត្ថភាព ពង្រីកចំណេះដឹង និងធ្វើបច្ចុប្បន្នភាពឱ្យទាន់យុគសម័យនៃបញ្ញាសប្បនិមិត្ត។

ជាទីបញ្ចប់ សាលាដំបូង និងអយ្យការអមសាលាដំបូង បានរៀបចំប្រគល់បាច់ផ្កាអមដោយ ថវិកា និងសំពត់ហូលម្នាក់មួយ សម្រាប់ចៅក្រម ព្រះរាជអាជ្ញារង សិស្សចៅក្រម និងមន្ត្រីលេខាធិការដ្ឋាន ដែលជាស្ត្រីសរុបចំនួន ៨០រូប ប្រកបដោយភាពស្និតស្នាល និងសប្បាយរីករាយ៕