ក្រសួងពាណិជ្ជកម្មបានបង្ហាញវឌ្ឍនភាពនៃការដាក់ឱ្យអនុវត្ត ការរធ្វើសាមញ្ញកម្មនៃការងារចុះបញ្ជីពាណិជ្ជកម្ម និងការលើកលែងការផាកពិន័យ ចំពោះក្រុមហ៊ុនខកខានតម្កល់ប្រតិវេទន៍ប្រចាំឆ្នាំ

(ភ្នំពេញ)៖ ក្រសួងពាណិជ្ជកម្មបានបង្ហាញអំពីវឌ្ឍនភាព នៃការដាក់ឱ្យអនុវត្តនូវប្រកាសលេខ១១៧ ព.ណ.ចបព.ប្រក ចុះថ្ងៃទី៩ ខែធ្នូ ឆ្នាំ២០២៥ ស្តីពីការធ្វើសាមញ្ញកម្ម នៃការងារចុះបញ្ជីពាណិជ្ជកម្ម (“ប្រកាសលេខ១១៧”) និងសេចក្តីជូនដំណឹងលេខ០០៥១ ព.ណ.ចបព ចុះថ្ងៃទី៨ ខែមករា ឆ្នាំ២០២៦ ស្តីពីការលើកលែងការផាកពិន័យចំពោះក្រុមហ៊ុនខកខានតម្កល់ប្រតិវេទន៍ប្រចាំឆ្នាំ តាមរយៈ ការពិន័យត្រឹម ១ឆ្នាំចុងក្រោយ ដូចខាងក្រោម៖

*១. លទ្ធផលការងារទាក់ទងនឹងការលើកលែងពិន័យខកខានតម្កល់ប្រតិវេទន៍ប្រចាំឆ្នាំចាប់តាំងពីការអនុវត្តសេចក្តីជូនដំណឹងលេខ០០៥១ ព.ណ.ចបព ចុះថ្ងៃទី៨ ខែមករា ឆ្នាំ២០២៦ ស្តីពីការ លើកលែងការផាកពិន័យចំពោះក្រុមហ៊ុនខកខានតម្កល់ប្រតិវេទន៍ប្រចាំឆ្នាំ តាមរយៈការពិន័យត្រឹម ១ឆ្នាំចុងក្រោយ ក្រសួងពាណិជ្ជកម្ម បានសម្រេចនូវលទ្ធផល ដូចខាងក្រោម៖ក្រុមហ៊ុនចំនួន ២២៤ ក្រុមហ៊ុន បានដាក់ពាក្យសុំលើកលែងការផាកពិន័យប្រតិវេទន៍បុគ្គលម្ចាស់ភាគហ៊ុន សរុបចំនួន ៤៩៨ នាក់ បានចូលរួមត្រួតពិនិត្យសាវតាររូបវន្តបុគ្គល ដើម្បីប្រយុទ្ធប្រឆាំង នឹងការលាងសម្អាតប្រាក់ដោយស្ម័គ្រចិត្ត ដោយក្នុងនោះមានបុគ្គលម្ចាស់ភាគហ៊ុនចំនួន ៩ នាក់ ត្រូវបានរក ឃើញមានឈ្មោះក្នុងបញ្ជីប្រុងប្រយ័ត្ន ដែលបញ្ជាក់ដោយប្រព័ន្ធ Dow Jones ហើយត្រូវបានស្នើឱ្យមានការ លុបឈ្មោះចេញពីប្រព័ន្ធចុះបញ្ជីពាណិជ្ជកម្ម។ជាមួយនេះ ដើម្បីជៀសវាងនូវការយឺតយ៉ាវការតម្កល់ប្រតិវេទន៍ប្រចាំឆ្នាំ និងអនុលោមតាមប្រកាសលេខ១១៧ ក្រុមហ៊ុនដែលមិនមានការខកខានតម្កល់ប្រតិវេទន៍ប្រចាំឆ្នាំ អាចបន្តតម្កល់ប្រតិវេទន៍ប្រចាំឆ្នាំ ស្របតាមការិយបរិច្ឆេទ នៃការបំពេញនីតិវិធីបង់ពន្ធប៉ាតង់នៅអគ្គនាយកដ្ឋានពន្ធដារ ពោលគឺចាប់ពីខែមករា ដល់ខែមីនា នៃឆ្នាំនីមួយៗ។

*២. លទ្ធផលការងារទាក់ទងនឹងការធ្វើសាមញ្ញកម្មនៃការងារចុះបញ្ជីពាណិជ្ជកម្មការចុះបញ្ជីពាណិជ្ជកម្មតាមរយៈថ្នាលបច្ចេកវិទ្យាព័ត៌មាន CamDx នៅខែមករា ឆ្នាំ២០២៦ មានការកើនឡើង ចំនួន ៩,៣% បើប្រៀបធៀបនឹងខែមករា ឆ្នាំ២០២៥ និងដោយមានតម្រូវការជាច្រើនអំពីការចុះបញ្ជីពាណិជ្ជកម្មថ្មី ក្រសួងពាណិជ្ជកម្មសូមបញ្ជាក់បន្ថែមទៅលើការពន្យារពេលនៃការដាក់ឱ្យអនុវត្តលេខាធិការក្រុមហ៊ុន រហូតដល់ ខែមករា ឆ្នាំ២០២៧។ក្រសួងពាណិជ្ជកម្ម សូមបញ្ជាក់សាជាថ្មីថា យោងតាមច្បាប់ស្តីពីវិសោធនកម្មច្បាប់ស្តីពីសហគ្រាសពាណិជ្ជកម្ម ដែលប្រកាសឱ្យប្រើដោយព្រះរាជក្រមលេខ នស/រកម/០១២២/០០៣ ចុះថ្ងៃទី២៩ ខែមករា ឆ្នាំ២០២២ និងប្រកាសលេខ១១៧ ការតម្រូវឱ្យមានលេខាធិការក្រុមហ៊ុន គឺសម្រាប់តែក្រុមហ៊ុនមូលធនប៉ុណ្ណោះ ចំណែកឯសហគ្រាស ឯកបុគ្គល ធុរកិច្ចបង្កើតថ្មី (Startup) ក្រុមសេដ្ឋកិច្ចក្រៅប្រព័ន្ធ និងសហគ្រាសធុនតូច និងមធ្យម (SME) មិនតម្រូវ ឱ្យមានលេខាធិការក្រុមហ៊ុនឡើយ។បន្ថែមពីនេះ ក្រសួងពាណិជ្ជកម្ម សូមបញ្ជាក់ជូនអំពីភាពខុសគ្នារវាងលេខាធិការក្រុមហ៊ុនដែលជ្រើសតាំង ដោយក្រុមហ៊ុន និងបុគ្គលផ្សេងទៀតដែលមានបំណងផ្តល់សេវាលេខាធិការក្រុមហ៊ុន ដូចខាងក្រោម៖ *ក្រុមហ៊ុនមូលធននីមួយៗមានសិទ្ធិជ្រើសរើស និងតែងតាំងលេខាធិការក្រុមហ៊ុនដោយខ្លួនឯង ហើយបុគ្គល គ្រប់រូបអាចត្រូវបានជ្រើសរើស និងតែងតាំងដោយក្រុមហ៊ុន ដោយមិនតម្រូវឱ្យគោរពតាមលក្ខខណ្ឌ គុណវុឌ្ឍដែលមានចែងក្នុងប្រការ២៥ នៃប្រកាសលេខ១១៧ ឡើយ។ *ដោយឡែកចំពោះបុគ្គលដែលមានបំណងចង់ប្រកបវិជ្ជាជីវៈក្នុងការផ្តល់សេវាជាលេខាធិការក្រុមហ៊ុន ត្រូវ បំពេញតាមលក្ខខណ្ឌគុណវុឌ្ឍដែលមានចែងក្នុងប្រការ២៥ នៃប្រកាសលេខ១១៧។

ដើម្បីបង្កភាពងាយស្រួលដល់វិស័យឯកជន ក្នុងការអនុវត្តប្រកាសលេខ១១៧ ក្រសួងពាណិជ្ជកម្មកំពុងរៀបចំសេចក្តីព្រាងប្រកាសស្តីពីការទទួលស្គាល់សៀវភៅណែនាំសម្រាប់ការចុះបញ្ជីពាណិជ្ជកម្ម និងការប្រកប អាជីវកម្មអនុលោមតាមច្បាប់ (SOP) ដើម្បីបំពេញបន្ថែមលើប្រកាសលេខ១១៧៕