ក្រុមប៉ូលិសខេត្តកណ្ដាលតាមចាប់ក្រុមចោរលួចកាច់កម៉ូតូមកពីភ្នំពេញបាន៣នាក់ នៅចំណុចរង្វង់ព្រែកសំរោង!

(កណ្ដាល)៖ ដោយទទួលបានបទបញ្ជាយ៉ាងម៉ឺងម៉ាត់ពីលោកឧត្ដមសេនីយ៍ទោ​ ឈឿន សុចិត្ត ស្នងការនគរបាលខេត្តកណ្ដាល នៅវេលាម៉ោង ២៖៣០នាទីរសៀល ថ្ងៃអង្គា ទី២៤ ខែកុម្ភៈ ឆ្នាំ ២០២៦ លោកវរសេនីយ៍ឯក យី វណ្ណដា អធិការនគរបាលក្រុងតាខ្មៅបានដឹកនាំកម្លាំងចុះបង្ក្រាបនិងឃាត់ខ្លួនបានក្រុមជនសង្ស័យប៉ុនប៉ងលួចកាច់កម៉ូតូមកពីរាជធានីភ្នំពេញបាន៣នាក់ ដែលមានផ្ទុកនូវសារធាតុញៀនក្នុងទឹកនោម នៅចំណុចរង្វង់មូលព្រែកសំរោង ភូមិព្រែកសំរោង សង្កាត់តាខ្មៅ ក្រុងតាខ្មៅ ខេត្តកណ្តាល។ នេះបើតាមប្រភពព័ត៌មានដែលអង្គភាព The Mirror News ទទួលបាននៅរសៀលថ្ងៃទី២៥ ខែកុម្ភៈ ឆ្នាំ២០២៦នេះ។

ប្រភពបន្តថា ជនសង្ស័យទាំង៣នាក់៖ *១. ឈ្មោះដេ បូណា ភេទប្រុស អាយុ ១៨ ឆ្នាំ ជនជាតិខ្មែរ មានទីលំនៅភូមិទួលរកា  សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ មុខរបរ មិនពិតប្រាកដ។ *២. ឈ្មោះសារី ភារឿន ភេទប្រុស អាយុ៣៨ឆ្នាំ ជនជាតិខ្មែរ រស់នៅភូមិគគីធំ ឃុំគគីធំ ស្រុកកៀនស្វាយ ខេត្តកណ្តាល មុខរបរ មិនពិតប្រាកដ។ *៣. ឈ្មោះច្រឹក វាសនា ភេទប្រុស អាយុ៣២ឆ្នាំ ជនជាតិខ្មែរ រស់នៅភូមិកំពង់ពោធិ៍ ឃុំកំពង់ភ្នំ ស្រុកកៀនស្វាយ ខេត្តកណ្តាល មុខរបរ មិនពិតប្រាកដ។ ប្រភពបន្តទៀតថា ជនសង្ស័យទាំង៣នាក់មានផ្ទូកសារធាតុញៀនវិជ្ជមាននៅក្នុងទឹកនោម។ រួមជាមួយវត្ថុតាងចាប់យក៖ ១-ម៉ូតូ០១គ្រឿងម៉ាកហុងដាសេ១២៥ ផលិតឆ្នាំ២០២៦ ខុសប្រក្រតី។ ២-កូនកាបូបពណ៌ខ្មៅ០១។ ៣-ឧបករណ៍សម្រាប់កាច់ករណ៍ម៉ូតូ០១។ ៤-សោចិញ្ចៀនលេខ០៨ចំនួន០១។ ៥-កូនសោម៉ូតូ ម៉ាកហុងដា០១។ ៦-ទូរស័ព្ទដៃ០១គ្រឿងម៉ាកOPPO។

ប្រភពបានបញ្ជាក់ឱ្យដឹងថា នៅថ្ងៃទី២៤ ខែកុម្ភៈ ឆ្នាំ២០២៦ វេលាម៉ោង២៖៣០នាទី  ដោយយោងតាមបទបញ្ជារបស់លោកអធិការនគរបាលក្រុងតាខ្មៅបានឲ្យកំលាំងផ្នែកយុត្តិធម៌សហការណ៍ជាមួយកំលាំងប៉ុស្តិ៍តាខ្មៅ,កំលាំងប៉ុស្តិ៍កំពង់សំណាញ់,កំលាំងប៉ុស្តិ៍ដើមមៀន,កំលាំងប៉ុស្តិ៍ ព្រែកឬស្សី,កំលាំងប៉ុស្តិ៍តាក្តុល នាំគ្នាចេញល្បាតតាមមូលដ្ឋានក្នុងក្រុងតាខ្មៅតំបន់ងាយរងគ្រោះ ខណៈពេលជិះមកដល់ចំណុចរង្វង់មូល ព្រែកសំរោង ស្ថិតនៅភូមិព្រែកសំរោង សង្កាត់តាខ្មៅ ខេត្តកណ្តាល ក៏ឃើញជនសង្ស័យចំនួន០៣នាក់ជិះម៉តូ០១គ្រឿង ម៉ាកហុងដា សេ១២៥ ផលិតឆ្នាំ២០២៦ ខុសប្រក្រតី ឃើញដូចនោះកំលាំងសមត្ថកិច្ចយើងបានហៅឲ្យឈប់ ក៏ស្រាប់តែជនសង្ស័យ១ម្នាក់ឈ្មោះ ដេ បូណា ក៏ចុះពីលើម៉ូតូរត់ ហើយបានយកកូនកាបូបពណ៌ខ្មៅនៅក្នុងហោប៉ៅអាវបោះចោល នៅក្នុងកូនកាបូបនោះមានឧបករណ៍សម្រាប់កាច់ក ម៉ូតូ១ ,សោចិញ្ចៀនលេខ៨ចំនួន០១,កូនសោម៉ូតូ០១ ក្រោយមកកំលាំងសមត្ថកិច្ចយើងក៏ឃាត់ខ្លួនជនសង្ស័យ បានរួមទាំងវត្ថុតាងយកមកសួរនាំនិងកសាងសំណុំរឿងចាត់ការតាមនីតិវិធី។

នៅចំពោះមុខសមត្ថកិច្ច ជនង្ស័យបានឆ្លើយសារភាពថា ខ្លួនពិតជាបានធ្វើសកម្មភាពយកឧបករណ៍សម្រាប់កាច់កម៉ូតូមកទុកក្នុងហោប៉ៅអាវរួចនាំគ្នាជិះម៉ូតូដើររកកាច់កម៉ូតូគេ ប្រាកដមែន។ បន្ទាប់មកកម្លាំងជំនាញបានឃាត់ខ្លួនជនសង្សយយខាងលើ បណ្តោះអាសន្ននៅអធិការដ្ឋាននគរបាលក្រុងតាខ្មៅ។

បច្ចុប្បន្ន ជនសង្ស័យទាង៣នាក់ខាងលើ ត្រូវបានកម្លាំងជំនាញនៃអធិការដ្ឋាននគរបាលក្រុងតាខ្មៅបញ្ជូនទៅកាន់សាលាដំបូងខេត្តកណ្ដាលដើម្បីផ្ដន្ទាទោសតាមផ្លូវច្បាប់ហើយ៕