ក្រុមប៉ូលិសតាមចាប់ឃាត់ខ្លួនក្រុមក្មេងទំនេីង២ក្រុម ពាក់ព័ន្ធករណីវាយតបគ្នាយ៉ាងអនាធិបតេយ្យក្នុងកម្មវិធីមង្គលការបានហើយ!

(បាត់ដំបង)៖ នៅវេលាម៉ោង២២៖៣០នាទី ថ្ងៃទី២២ ខែកុម្ភៈ ឆ្នាំ២០២៦ មានករណីភ្ញៀវចូលរួមពិធីមង្គលការចំួន២ក្រុម បានវាយតប់គ្នាទៅវិញ ទៅមក បង្កការអុកឡុក ដោយយកកៅអីវាយ និងយកកែវចានគប់គ្នាទៅវិញទៅមកបណ្តាលឱ្យរងរបួសទាំងសងខាង នៅក្នុងកម្មវិធីមង្គលការមួយកន្លែង ស្ថិតនៅក្រុមទី១៥ ភូមិ បឹងទឹម ឃុំតាប៉ុន ស្រុកសង្កែ ខេត្តបាត់ដំបង ។

ក្រោយពីទទួលព័ត៌មានពីម្ចាស់កម្មវិធីមង្គលការ កម្លាំងផ្នែកជំនាញព្រហ្មទណ្ឌ័ នៃអធិការដ្ឋាននគរបាលស្រុកសង្កែ ដឹកនាំដោយលោកវរសេនីយ៍ទោ យុត តុងហូ អធិការនគរបាលស្រុកសង្កែ ចុះធ្វើការស៊ើបអង្កេតស្រាវជ្រាវ ឈានដល់ការឃាត់ខ្លួនជនសង្ស័យទាំង២ក្រុម ចំនួន៨នាក់៖ ១.ឈ្មោះ ប៉ែន ឃាង ភេទប្រុស អាយុ៣២ឆ្នាំ មានទីលំនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង, ២.ឈ្មោះ ថា សេងថាវ ភេទប្រុស អាយុ១៧ឆ្នាំ មានទីលំនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង, ៣.ឈ្មោះ ពឿត សឿន ភេទប្រុស អាយុ៣៩ឆ្នាំ មានទីលំនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង, ៤.ឈ្មោះ ពឿត ពិសិទ្ធ ភេទប្រុស អាយុ៣២ឆ្នាំ មានទីលំនៅភូមិសម្តេច ឃុំតាប៉ុន ស្រុកសង្កែ ខេត្តបាត់ដំបង និងមួយក្រុមទៀត ១.ឈ្មោះ ជាតិ វី ភេទប្រុស អាយុ២០ឆ្នាំ មានទីលំនៅភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបង, ២.ឈ្មោះ ឃឿន ខេមរ៉ាក់ ហៅចុប ភេទប្រុស អាយុ១៨ឆ្នាំ មានទីលំនៅភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបង, ៣.ឈ្មោះ កយ វៃ ភេទប្រុស អាយុ២០ឆ្នាំ មានទីលំនៅភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបង និង៤.ឈ្មោះ សុខុន ឃុន ភេទប្រុស អាយុ១៩ឆ្នាំ មានទីលំនៅភូមិបឹងទឹម ឃុំតាប៉ុន ស្រុកសង្កែ ខេត្តបាត់ដំបង នាំមកកាន់អធិការដ្ឋាននគរបាលស្រុកសង្កែ ដើម្បីធ្វើការសាកសួរ។

ជនសង្ស័យខាងលើទាំងពីរក្រុមបានឆ្លើយសារភាពថា ពួកខ្លួនពិតជាបានធ្វើសកម្មភាពបង្កការអុកឡុក រួចយកកៅអីវាយនិងយកកែវចានគប់គ្នាទៅវិញទៅមក នៅក្នុងកម្មវិធីមង្គលការ នៅចំណុចកើតហេតុខាងលើ ពិតប្រាកដមែន ។ មូលហេតុដោយសា៖ ក្រុមទាំងពីររាំឌឺដងដាក់គ្នាទៅវិញទៅមក ទើបបង្កទៅជាហិង្សា។

បច្ចុប្បន្ន ជនសង្ស័យខាងលេីត្រូវសមត្ថកិច្ចជំនាញ កំពុងកសាងសំណុំរឿងបញ្ជូនទៅការិយាល័យជំនាញខេត្តដើម្បីចាត់ការបន្តតាមនីតិវិធី៕