កម្លាំងPMខេត្តតាកែវចាប់បានឃាតករជាជនដៃដល់កាប់សម្លាប់បងស្រីនិងក្មួយប្រុសបង្កើតឱ្យស្លាប់យ៉ាងសាហាវ នៅតាកែវហើយ!

(តាកែវ)៖ នៅវេលាម៉ោង៣៖៣៥នាទីទៀបភ្លឺ ថ្ងៃទី១៩ ខែកុម្ភៈ ឆ្នាំ២០២៦ នៅចំណុចក្លោងទ្វារវត្តអង្គជុំ ភូមិអង្គគគី ឃុំពពេល ស្រុកត្រាំកក់ ខេត្តតាកែវ កម្លាំងមន្ទីរស្រាវជ្រាវ និងបង្រ្កាបបទល្មើសខេត្តតាកែវ សហការជាមួយកម្លាំងមូលដ្ឋានកងរាជអាវុធហត្ថស្រុកត្រាំកក់ ដឹកនាំដោយលោកវរសេនីយ៍ឯក កែន វណ្ណៈ មេបញ្ជាការរង ទទួលការងារនគរបាលយុត្តិធម៌បានឃាត់ខ្លួនជនសង្ស័យជាជនដៃដល់ម្នាក់ឈ្មោះ ប៉ាង សុបិន ភេទប្រុស អាយុ៣៤ឆ្នាំ មុខរបរជាងសំណង់ រស់នៅភូមិត្រាវអែម ឃុំពពេល ស្រុកត្រាំកក់ ខេត្តតាកែវ ពាក់ព័ន្ធករណីឃាតកម្មយកពូថៅកាប់បងស្រីបង្កើតនិងក្មួយប្រុសបង្កើតជាជនរងគ្រោះបណ្ដាលឱ្យស្លាប់ទាំង២នាក់ កាលពីវេលាម៉ោង២០៖០៥នាទី ថ្ងៃទី១៧ ខែកុម្ភៈ ឆ្នាំ២០២៦ នៅភូមិត្រាវអែម ឃុំពពេល ស្រុកត្រាំកក់ ខេត្តតាកែវ។

ចំពោះវត្ថុតាងដែលសមត្ថកិច្ចចាប់យករួមមាន៖ *ម៉ូតូ១គ្រឿង ម៉ាកC១២៥ ពណ៌ខ្មៅ ផលិតឆ្នាំ២០១៨ ស្លាកលេខ តាកែវ Q៦៥៤៨, *ទូរសព្ទដៃចំនួន៣គ្រឿង, *ប្រាក់ចំនួន៥.៤០០រៀល។

បច្ចុប្បន្ន កម្លាំងជំនាញកងរាជអាវុធហត្ថកំពុងកសាងសំណុំរឿងបញ្ជូនជនសង្ស័យនិងវត្ថុតាងទៅតុលាការដើម្បីផ្តន្ទាទោសតាមច្បាប់៕