ឧត្តមសេនីយ៍ត្រី ឡាក់ ម៉េងធី អញ្ជើញចូលរួមពិធីចុះអធិការកិច្ចនគរបាលយុត្តិធម៌ នៃស្នងការដ្ឋាននគរបាលខេត្តកណ្តាល

(កណ្ដាល)៖ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល នៅរសៀលថ្ងៃព្រហស្បតិ៍ ទី១២ ខែកុម្ភៈ ឆ្នាំ២០២៦នេះ បានចាត់លោកឧត្តមសេនីយ៍ត្រី ឡាក់ ម៉េងធី ស្នងការរងជាតំណាង ចូលរួមពិធីចុះអធិការកិច្ចនគរបាលយុត្តិធម៌ នៃស្នងការដ្ឋាននគរបាលខេត្តកណ្តាល ក្រោមអធិបតីភាពឯកឧត្ដម ហ៊ាន រិទ្ធ អគ្គព្រះរាជអាជ្ញារង ឯកឧត្តម មាស សុភក្តិ អគ្គព្រះរាជអាជ្ញារង នៃមហាអយ្យការអមសាលាឧទ្ធរណ៍ភ្នំពេញ និងឯកឧត្តម គុជ គឹមឡុង ព្រះរាជអាជ្ញា នៃអយ្យការអមសាលាដំបូងខេត្តកណ្តាល នៅសាលប្រជុំស្នងការដ្ឋាននគរបាលខេត្តកណ្តាល។

ក្នុងកិច្ចប្រជុំ សមាភាពចូលរួម មាន៖ *ប្រតិភូមអមនិងភ្ញៀវកិត្តិយចូលរួមមាន៖ លោក អេង សុគន្ធ អគ្គលេខាធិការរងសាលាឧទ្ធរណ៍, លោកស្រី ព្រះរាជអាជ្ញារង នៃអយ្យការអមសាលាដំបូងខេត្តកណ្តាល និងក្រុមការងារ។ *សមាសភាពនៃស្នងការដ្ឋាននគរបាលខេត្តកណ្តាល ចូលរួមមាន៖ លោកស្នងការរងទទួលផែនជំនាញ+លោកស្នងការរងទទួលជំនួយការដឹកនាំការិយាល័យចំណុះផែនការងារអន្តោប្រវេសន៍, ផែនការងារនគរបាលព្រហ្មទណ្ឌផែនការងារនគរបាលប្រឆាំងបទល្មើសសេដ្ឋកិច្ច, ផែនការងារប្រឆាំងគ្រឿងញៀន, ផែនការងារសណ្តាប់ធ្នាប់ផែនការងារគ្រប់គ្រងអាវុធជាតិផ្ទុះនិងអគ្គិភ័យ, ផែនការងារប្រឆាំងការជួញដូរមនុស្ស និងការពារអនីតិជននិងការងារយេនឌ័រ និងផែនការងារសន្តិសុខ, លោក-លោកស្រីនាយ-នាយរងការិយាល័យជំនាញចំណុះផែនការងារខាងលើ លោកអធិការនគរបាលគ្រប់ស្រុក/ក្រុងទាំង១៣ និងលោកអធិការរង+នាយផ្នែកសណ្តាប់ធ្នាប់ស្រុក/ក្រុងទាំង១៣៕