សូមអាជ្ញាធររាជធានីភ្នំពេញបង្ក្រាបទីតាំងល្បែងអនឡាញ «ភ្នាល់បៀ បាល់ ឡូតូ ឆ្នោត» នៅតាមបណ្ដោយផ្លូវលេខ១៥ កែងផ្លូវ១១៨ សង្កាត់ផ្សារចាស់ ខណ្ឌដូនពេញផង 

(ភ្នំពេញ)៖ ទីតាំងល្បែងអនទ្បាញដ៏ធំមួយកន្លែង ដែលមានល្បែងស៊ីសងច្រើនប្រភេទ ដូចជា «ភ្នាល់បៀ បាល់ ឡូតូ ឆ្នោត» កំពុងបើកដំណើរការយ៉ាងស្ងៀមស្ងាត់ នៅតាមបណ្ដោយផ្លូវលេខ១៥ កែងផ្លូវ១១៨ សង្កាត់ផ្សារចាស់ ខណ្ឌដូនពេញ រាជធានីភ្នំពេញ។នេះបើតាមប្រភពដែលអ្នកសារព័ត៌មានទទួលបាននៅថ្ងៃទី៥ ខែកុម្ភៈ ឆ្នាំ២០២៦នេះ។

ប្រភពបានខ្សឹបឲ្យដឹងថា ល្បែងស៊ីសងខុសច្បាប់តាមអនឡាញទាំងនេះ គឺប្រមុខរាជរដ្ឋាភិបាលកម្ពុជាដាក់បទបញ្ជាយ៉ាងម៉ឹងម៉ាត់ឲ្យស្ថាប័នពាក់ព័ន្ធនិងអាជ្ញាធរមូលដ្ឋានបង្ក្រាបជាដាច់ខាត។ ប៉ុន្តែនៅខណ្ឌដូនពេញនៅតែមានការលួចបើកលេងល្បែងតាមអនទ្បាញដែលប្រឆាំងនឹងបទបញ្ជារបស់ថ្នាក់ដឹកនាំ។

ប្រភពបន្តថា ទីតាំងល្បែងស៊ីសងអនឡាញខាងលើនេះមិនមែនសម្រាប់តែជនបរទេសនោះទេប៉ុន្តែក៏មានពលរដ្ឋខ្មែរចូលលេងបានដោយសេរីផងដែរ។

សូមអាជ្ញាធរត្រូវតែចាត់វិធានការត្រួតពិនិត្យឱ្យបានហ្មត់ចត់ផង។

ប្រជាពលរដ្ឋស្នើសុំលោក ឃួង ស្រេង អភិបាលរាជធានីនិងលោកស្នងការនគរបាលជួយចាត់វិធានការ បង្ក្រាបបទល្មើសល្បែងអនឡាញទាំងនេះផង។

ប្រជាពលរដ្ឋសង្ឃឹមថា អាជ្ញាធរខណ្ឌរាជធានីភ្នំពេញមិនព្រងើយកន្តើយចំពោះបញ្ហានេះឡើយ៕