ជនល្មើស៣នាក់ត្រូវបានបញ្ជូនទៅដាក់គុកពីបទកាប់គាស់ ឬរុករានដីព្រៃ ឬឆ្ការ ដុត ឬឈូសឆាយដីព្រៃ ដើម្បីយកដីធ្វើជាកម្មសិទ្ធិ នៅខេត្តពោធិ៍សាត់!
(ពោធិ៍សាត់)៖ សាលាដំបូងខេត្តពោធិ៍សាត់បានចោទប្រកាន់ជនល្មើសចំនួន៣នាក់ពី «បទកាប់គាស់ ឬរុករានដីព្រៃ ឬឆ្ការ ដុត ឬឈូសឆាយដីព្រៃ ដើម្បីយកដីធ្វើជាកម្មសិទ្ធិ» នៅចំណុចអូរ១ អូរ២ ស្ថិតក្នុងភូមិអូរដីខ្មៅ ឃុំអន្លង់រាប ស្រុកវាលវែង ខេត្តពោធិ៍សាត់ ក្នុងដែនជម្រកសត្វព្រៃភ្នំសំកុស ភូមិសាស្ត្រខេត្តពោធិ៍សាត់។
នៅថ្ងៃទី៤ ខែកុម្ភៈ ឆ្នាំ២០២៦នេះ លោក ផេង កុសល អនុប្រធានសាលាដំបូងខេត្តពោធិ៍សាត់និងជាចៅក្រមស៊ើបសួរក៏បានចេញដីកាបង្គាប់ឱ្យឃុំខ្លួនជនត្រូវចោទខាងលើជាបណ្តោះអាសន្ននៅពន្ធនាគាខេត្តពោធិ៍សាត់ហើយ។
