រឿងប្ដីចុងកាប់សម្លាប់អតីតប្រពន្ធឱ្យស្លាប់នៅស្រុកសណ្ដាន់ ក្រុមប៉ូលិសខេត្តកំពង់ធំចាប់ឃាតករបានហើយ!

(កំពង់ធំ)៖ ដោយសារតែភ្លើងប្រច័ណ្ឌ ករណីឃាតកម្មប្ដីចុងកាប់សម្លាប់ប្រពន្ធ កាលពីយប់ឈានចូលថ្ងៃទី១៣ ខែមករា ឆ្នាំ២០២៦ នៅចំណុចភូមិខោស ឃុំទំរីង ស្រុកសណ្ដាន់ ខេត្តកំពង់ធំ ត្រូវបានកម្លាំងនាយកដ្ឋាននគរបាលព្រហ្មទណ្ឌ នៃអគ្គស្នងការដ្ឋាននគរបាលជាតិ និងស្ន​ងការដ្ឋាននគរបាលខេត្តកំពង់ធំ​ ស្រាវជ្រាវចាប់ខ្លួនបានហើយ នៅថ្ងៃទី១៥ ខែមករា ឆ្នាំ២០២៥ម្សិលមិញ។

របាយការណ៍របស់សមត្ថកិច្ចបានបញ្ជាក់ថា ជនដៃដល់ដែលកាប់សម្លាប់ប្រពន្ធឈ្មោះ ពៅ ពិទូ អាយុ៤៤ឆ្នាំ ត្រូវបានចាប់ខ្លួននៅចំណុចភូមិកំពង់ត្រាច ឃុំកំពង់ត្រាច ស្រុករមាសហែក ខេត្តស្វាយរៀង។ សមត្ថកិច្ចបានអះអាងថា ជនដៃដល់ ជាប្ដីចុងរបស់ស្ដ្រីរងគ្រោះ ហើយមូលហេតុនៃការកាប់សម្លាប់ ដោយសារតែភ្លើងប្រច័ណ្ឌ។

បច្ចុប្បន្នសមត្ថកិច្ចកំពុងកសាងសំណុំរឿង ដើម្បីបញ្ជូនទៅសាលាដំបូងខេត្តកំពង់ធំ ចាត់ការតាមផ្លូវច្បាប់៕