នាយកសាលា ជេផេន បានថ្លែងអំណរគុណជូនចំពោះឯកឧត្តម នាយឧត្តមសេនីយ៍ ឈន សារ៉ាណេ និងលោកជំទាវ ដល់គេហដ្ឋានផ្ទាល់

(ភ្នំពេញ)៖ លោក សាសាហារ៉ា កេនជិ នាយកសាលា ជេផេន អ៊ីនធ័រណាសិនណល់ ស៊ីសេហ្វ លីឌ័រ អាខាដេមី សូមថ្លែងអំណរគុណយ៉ាងជ្រាលជ្រៅជាទីបំផុត គោរពជូនចំពោះឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការក្រសួងមហាផ្ទៃ និងលោកជំទាវ  ដែលបានតែងតែផ្តល់ការប្រើប្រាស់ទីធ្លាគេហដ្ឋានលំហែសម្រាប់ជាចំណតរថយន្តមាតាបិតា និងអាណាព្យាបាលសិស្សក្នុងកម្មវិធីនានាដែលមាន ដូចជាព្រឹត្តិការណ៍ពាក់ព័ន្ធនឹងសាលា ជេជេន អ៊ុនធ័រណាសិនណល់ ស៊ីសេហ្វ លីឌ័រ អាខាដេមី។

គួរជម្រាបជូនថា លោក សាសាហារ៉ា កេនជិ នាយកសាលា ជេផេន អ៊ីនធ័រណាសិនណល់ ស៊ីសេហ្វ លីឌ័រ អាខាដេមី នារសៀលថ្ងៃពុធ ទី១៤ ខែមករា ឆ្នាំ២០២៦នេះ អញ្ជើញទៅថ្លែងអំណរគុណជូនចំពោះឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការក្រសួងមហាផ្ទៃ និងលោកជំទាវដល់គេហដ្ឋានផ្ទាល់តែម្ដង ក្រោយពីឯកឧត្តម នាយឧត្តមសេនីយ៍និងលោកជំទាវបានអនុញ្ញាតដល់សិស្សថ្នាក់ទី៥ ចំនួន១៤នាក់ និងបុគ្គលិកអប់រំចំនួន០២នាក់ នៃសាលា ជេជេន អ៊ីនធ័រណាសិនណល់ ស៊ីសេហ្វ លីឌ័រ អាខាដេមី (Japan International CIESF Leaders Academy) ចូលទស្សនា និងសង្កេតសត្វ រុក្ខជាតិនៅក្នុងគេហដ្ឋានរបស់ឯកឧត្តម នាយឧត្តមសេនីយ៍ និងលោកជំទាវ កាលពីថ្ងៃចន្ទ ទី៥ ខែមករា ឆ្នាំ២០២៦ ចាប់ពីវេលាម៉ោង ០៩៖០០ ព្រឹក រហូតដល់ ម៉ោង ១១៖០០ព្រឹក។

លោកនាយកសូមថ្លែងអំណរគុណយ៉ាងជ្រាលជ្រៅ ចំពោះ ឯកឧត្តម នាយឧត្តមសេនីយ៍ និងលោកជំទាវ ដែលបានអនុញ្ញាតដល់សាលា CIESF Leaders Academy ប្រើប្រាស់ទីធ្លាគេហដ្ឋានរបស់ ឯកឧត្តម នាយឧត្តមសេនីយ៍ និងលោកជំទាវ ជាចំណតរថយន្តមាតាបិតា និងអាណាព្យាបាលសិស្សសម្រាប់ “កម្មវិធីពន្យល់ពាក់ព័ន្ធនឹងសាលា” រយៈពេលចំនួន២ថ្ងៃ ចាប់ពីថ្ងៃ អង្គារ ទី០៩ ខែកញ្ញា ឆ្នាំ២០២៥ រហូតដល់ថ្ងៃពុធ ទី១០ ខែកញ្ញា ឆ្នាំ២០២៥ វេលាម៉ោង ១៤៖០០ រសៀល រហូតដល់ម៉ោង ១៨៖០០ ល្ងាច។

គូសបញ្ជាក់ថា កាលពីឆ្នាំ២០២៥ កន្លងទៅ ឯកឧត្តម នាយឧត្តមសេនីយ៍ និងលោកជំទាវ ក៏បានអនុញ្ញាត្តអោយសិស្សានុសិស្ស នៅសាលាខាងលើបានចូលមកហ្វឹកហាត់កីឡាបាល់ទាត់ និងកីឡាហែលទឹក នៅគេហដ្ឋានរបស់ឯកឧត្តម នាយឧត្តមសេនីយ៍ និងលោកជំទាវ ដោយឥតគិតថ្លៃផងដែរ។ ហើយឯកឧត្តម នាយឧត្តមសេនីយ៍ និងលោកជំទាវក៏ស្វាគមន៍ចំពោះលោកនាយកសាលាគ្រប់ពេលវេលានៅពេលដែលសាលាត្រូវការផងដែរ៕