ក្រុមក្មេងទំនើងដែលបានវ៉ៃគ្នាផ្អើលមាត់ស្ទឹងតាខ្មៅកាលពីយប់ថ្ងៃឆ្លងឆ្នាំ ពេលនេះ ត្រូវបានក្រុមប៉ូលិសក្រុងតាខ្មៅចាប់ឃាត់បញ្ជុនទៅដាក់ពន្ធនាគារបានសម្រេចហើយ!

(កណ្ដាល)៖ គុកបានសម្រេច! ក្រុមក្មេងទំនើងដែលបង្កហិង្សានៅចំណុចមាត់ស្ទឹងតាខ្មៅកាលពីយប់រំលងអាធ្រាតចូលថ្ងៃទី១ ខែមករា ឆ្នាំ២០២៦ ត្រូវបានឃាត់ខ្លួន០១នាក់នឹងកំពុងតែស្វែងរកបក្សពួកមកអនុវត្តច្បាប់បន្ថែមទៀត។ នេះបើតាមប្រភពពីមន្ត្រីគនរបាលក្រុងតាខ្មៅដែលបណ្ដាញសារព័ត៌មាន The Mirror News ទទួលបាននៅព្រឹកថ្ងៃទី០២ ខែមករា ឆ្នាំ២០២៦នេះ។

ប្រភពបានបញ្ជាក់ថា ដោយអនុវត្តតាមការបញ្ជាដឹកនាំដោយផ្ទាល់ពីលោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល នាយប់ថ្ងៃទី០១ ខែមករា ឆ្នាំ២០២៦ ផ្នែកនគរបាលព្រហ្មទណ្ឌ ក្រុមអន្តរាគន៍ល្បាត និង ប៉ុស្តិ៍នគរបាលរដ្ឋបាលដើមមៀន ដឹកនាំដោយ លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ បង្ក្រាបជាក់ស្តែង ឃាត់បានជនសង្ស័យ១នាក់ឈ្មោះ ឈ្មោះ យូ គីរ័ត្ន ភេទប្រុស អាយុ២៨ឆ្នាំ មុខរបរសន្តិសុខអគ្គិសនី រស់នៅភូមិព្រែកតាឡុង៣ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ចំណែកបក្សពួក៦នាក់រត់គេចខ្លួនរួមមាន៖ ១-ឈ្មោះ រក្សា ភេទប្រុស អាយុ២៣ឆ្នាំ មុខរបរមិនពិតប្រាកដ ២-ឈ្មោះ ឡុង ភេទប្រុស អាយុ២៥ឆ្នាំ មុខរបររត់ផាស់អាប់ ៣-ឈ្មោះ ឡា ភេទប្រុស អាយុ៣៦ឆ្នាំ មុខរបរមិនពិតប្រាកដ ៤-ឈ្មោះ អាបុី ភេទប្រុស អាយុ៤០ឆ្នាំ មុខរបរមិនពិតប្រាកដ ទាំង៥នាក់រស់នៅ សង្កាត់ចាក់អង្រែលើនិងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ និង ៥-ឈ្មោះ ណេត ភេទប្រុស អាយុ២១ឆ្នាំ មុខរបរអ្នកដឹកជញ្ចូន រស់នៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល ។ រួមជាមួយវត្ថុតាងចាប់យកបានមានមួកការពារសុវត្ថិភាពចំនួន១ ។

បច្ចុប្បន្នជនសង្ស័យកំពុងឃាត់ខ្លួនដើម្បីកសាងសំណុំរឿងបន្តនីតិវិធីច្បាប់៕

ប្រភពដដែលបានបញ្ជាក់ទៀតថា សូមបងប្អូនសហការផ្តល់ពត៍មានដល់សម្ថតកិច្ចក្រុងតាខ្មៅចំពោះកន្លែងដែលបក្សពួកគាត់រស់នៅ យើងខ្ញុំនឹងជូនជាសាគុណ! លេខទូរស័ព្ទទំនាក់ទំនង ប្រចាំបញ្ជា២៤ម៉/២៤ម៉ ០៩៧ ៧៧៨០០ ៥១ | ០៦៩ ៧៨០ ០៥១