មន្ត្រីយោធាជាខ្មាន់កាំភ្លើងម្នាក់បានបាញ់សម្លាប់មនុស្ស៣នាក់ដោយគ្មានញញើតដៃ នៅក្នុងនៅស្រុកបន្ទាយមាស ខេត្តកំពត

(កំពត)៖ មន្ត្រីយោធាជាខ្មាន់កាំភ្លើងម្នាក់បានបាញ់សម្លាប់មនុស្ស៣នាក់ដោយគ្មានញញើតដៃ នៅក្នុងនៅភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ខេត្តកំពត កាលពីវេលាម៉ោង៩យប់ ថ្ងៃទី២០​ ខែកញ្ញា ឆ្នាំ២០២៥។

ប្រភពពីលោកស្នងការខេត្តកំពតបានប្រកាសថា ជនដៃដល់ត្រូវបានស្គាល់អត្តសញ្ញាណហើយ ដោយលោកបង្ហោះរូបច្បាស់ៗ។ លោកក៏បានប្រកាសផ្ដល់ថវិកាចំនួន ៤លានរៀល សំរាប់ការផ្តល់ព័ត៌មាន ឈានទៅដល់ការឃាត់ខ្លួនជនដៃដល់ និងសូមធានាការរក្សារការសំងាត់ជូន តាមរយៈលេខទូរសព្ទ័នេះ 016 767 365 ។

លោកស្នងការនគរបាលខេត្តកំពតបានប្រកាសលើបណ្ដាញសង្គមទៀតថា លោក អ៊ុំ វុទ្ធី គួរប្រគល់ខ្លួនជូនសមត្ថកិច្ចជាជម្រើសដ៏ល្អ លោកមិនអាចគេចខ្លួនបានរហូតនោះទេ! ថវិការ ៤ លានរៀលនិងប្រគល់ជូនអ្នកដែលផ្តល់ពត៏មានច្បាស់លាស់ឈានទៅដល់ការចាប់ខ្លួនជនល្មើសខាងលើនេះ សូមផ្តល់ពត៏មានតាមលេខទូរសព្ទ័ខាងក្រោមនេះ 016767365៕