អធិការស្រុកបាទីឆ្លើយប្រាប់អ្នកកាសែតថា «មិនផ្ដេសផ្ដាស» ករណីនាយប៉ុស្ត៍ឃាត់មន្ត្រីអធិការដ្ឋានស្រុកបាទីរឿងគ្រឿងញៀន ហើយដោះលែងវិញ

(តាកែវ)៖ កាលពីវេលាម៉ោង៩ព្រឹក ថ្ងៃទី៧ ខែសីហា ឆ្នាំ២០២៥ កម្លាំងរបស់លោក មាន វុត្ថា នាយប៉ុស្ត៍នគរបាលឃុំចំបក់បានបង្ក្រាបមនុស្ស៣នាក់នៅក្នុងផ្ទះសំណាក់១៦៨ ជាប់ស្ពានលង់ធន់ផ្លូវជាតិលេខ២ រួមទាំងវត្ថុតាងរួមមានម៉ូតូ២គ្រឿងថ្នាំញៀន១កញ្ចប់។ ក្រោយការឃាត់ខ្លូនជនសង្ស័យ៣នាក់ខាងលើ ក៏មានមន្ត្រីប៉ូលីសនៅអធិការដ្ឋានស្រុកបាទីម្នាក់ឈ្មោះ អូន ណារ៉ាក់ ក្រោយឃាត់ខ្លូនលោកនាយប៉ុស្ត៍បានបញ្ជូនជនសង្ស័ទាំង៣នាក់រួមទាំងវត្ថុតាងទៅអធិកាស្រុកបាទីដើម្បីបន្តនីតិវិធី។ នេះបើតាមប្រភពដែលអង្គភាព The Mirror News ទទួលបាន។

ប្រភពបន្តថា ពាក់ពន្ធ័ករណីខាងលើ លោក ហួត សៅគុណ អធិការងគ្រឿងញៀនស្រុកបាទី បានឱ្យដឹងថា លោកពិតជាបានទទួលជនសង្ស័យទាំង៣នាក់ខាងលើពិតមែន តែមិនបានទទួលរបាយការណ៍ពីប៉ុស្ត៍រដ្ឋបាលឃុំចំប៉ក់នោះទេ។ លោក ហួត សៅគុណ បានបន្តថា លោកទទួលបញ្ជាផ្ទាល់ពីលោកស្នងការខេត្តតាកែវកសាងសំណុំរឿងបញ្ជូន។​លោកបន្ថែមទៀតថា ចំពោះរឿងផ្សេងទៀត ឬរឿងដោះលែងជនសង្ស័ឈ្មោះ អូន ណារ៉ាក់ លោកមិនដឹងទេ។

ប្រភពបានឱ្យដឹងដែរថា ចំណែក លោក ចុល ចេក ស្នងការងទទួលផែនបង្ក្រាបគ្រឿងញៀនក្រោយទទួលទូរសព្ទ័នាក់កាសែតសួរករណីខាងលើលោកស្តាប់តែមិនឆ្លើយរួចក៍បិតទូរសព្ទ័។

ប្រភពបានខ្សឹបឱ្យដឹងថា ចំពោះជនសង្ស័យឈ្មោះ អូន ណារ៉ាក់ ជាមន្ត្រីនគរបាលអន្តោរប្រវេសន៍ប្រចាំអធិការដ្ឋាននគរបាលស្រុកបាទី និងជាមនុស្សប្រើប្រាស់គ្រឿងញៀន ហើយការដែលលោក អូន ណារ៉ាក់ មានសេរីភាពវិញ គឺលោក ហួត សៅគុណ ជាអ្នកសម្របសម្រួល។

ជុំវិញករណីខាងលើនេះ លោក ឆាយ កែវមុន្នី អធិការស្រុកបាទីបានប្រាប់ឱ្យ​ The Mirror News ដឹងតាមតេលេក្រាមថា ចំពោះករណីខាងលើនេះ លោកអនុវត្តតាមវិន័យកងកម្លាំង។​

ពាក់ព័ន្ធករណីខាងលើនេះ មានគេខ្សឹបថា មានករណីបែបនេះច្រើនបានកើតឡើងលើកូនប្រជាពលរដ្ឋនៅមូលដ្ឋានស្រុកបាទី តែពេលកម្លាំងសមត្ថកិច្ចចាប់បានគឺបញ្ជូនទៅតុលាការ ហេតុអ្វីករណីនេះខុសគ្នា?។

លោកអធិការ ឆាយ កែវមុន្នី ក៏បានឆ្លើយថា «មិនផ្ដេសផ្ដាស»៕