ក្រសួងបរិស្ថាននឹងចាត់វិធានការច្បាប់ជាធរមានចំពោះរោងចក្រផលិតដំណាប់ស្វាយ ស្រុកកំពង់សីលា ក្នងករណីមិនព្រមបញ្ឈប់ការបញ្ចេញសំណល់រាវចេញពីទីតាំងក្រុមហ៊ុនរបស់ខ្លួន

(ព្រះសីហនុ)៖ ក្រុមហ៊ុន Guowang State (Cambodia) Food Co., Ltd ត្រូវបានក្រសួងបរិស្ថានតម្រូវឱ្យបញ្ឈប់ការបញ្ចេញសំណល់រាវចេញពីទីតាំងក្រុមហ៊ុនជាបន្ទាន់ទោះក្នុងរូបភាព ឬក្នុងគោលបំណងណាក៏ដោយរហូតដល់ មានការសម្រេចជាថ្មី ពីក្រសួងបរិស្ថាន។

គួរជម្រាបថា ក្រុមហ៊ុនGuowang State (Cambodia) Food Co., Ltd ជាប្រភេទជាប្រភេទរោងចក្រ ផលិតដំណាប់ស្វាយ ដែលមានអាសយដ្ឋាន ស្ថិតនៅភូមិអូរបាក់រទេះ ឃុំអូរបាក់រទេះ ស្រុកកំពង់សីលា ខេត្តព្រះសីហនុ បានបង្កឱ្យមានការបំពុលទឹកសាធារណៈ និងធ្វើឱ្យប៉ះពាល់ដល់ការរស់នៅរបស់ប្រជាពលរដ្ឋ ហើយក្រសួងបរិស្ថាន បានរកឃើញ នៅថ្ងៃទី២៣ ខែឧសភា ឆ្នាំ២០២៥ ដោយល្មើស ទៅនឹងមាត្រា១៥៦ មាត្រា១៧៣ មាត្រា២៨៦ មាត្រា២៨៧ មាត្រា៣១៤ មាត្រា៦៦៨ នៃក្រមបរិស្ថាននិងធនធានធម្មជាតិ និងមាត្រា៦ នៃអនុក្រឹត្យលេខ២៧ ស្តីពីការត្រួតពិនិត្យការបំពុលទឹក មាត្រា៤ថ្មី និង មាត្រា៩ថ្មី នៃអនុក្រឹត្យលេខ១០៣ ស្តីពីការកែសម្រួលអនុក្រឹត្យលេខ២៧។

ក្រសួងបរិស្ថាន នឹងចាត់វិធានការច្បាប់ ជាធរមានបន្ថែមទៀត ក្នុងករណីក្រុមហ៊ុនមិនអនុវត្តតាមការសម្រេចខាងលើ៕