មានជនអនាមិកបង្កើតគណនីតេឡេក្រាមដោយប្រើឈ្មោះ “ឧត្តមសេនីយ៍ទោ សិទ្ធិ ឡោះ” ស្នងការនគរបាលខេត្តបន្ទាយមានជ័យ

(បន្ទាយមានជ័យ)៖ អ្នកនាំពាក្យនៃស្នងការដ្ឋាននគរបាលខេត្តបន្ទាយមានជ័យបញ្ជាក់ថា៖ ថ្មីៗនេះ មានជនអនាមិកបង្កើតគណនីតេឡេ ក្រាម (Telegram) ឈ្មោះ “ឧត្តមសេនីយ៍ទោ សិទ្ធិ ឡោះ” ដោយមានភ្ជាប់រូបភាពលោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ ប្រើ USERNAME@POLICE_ACCP បានឆាតទំនាក់ ទំនងទៅបងប្អូនប្រជាពលរដ្ឋ និងមន្ត្រីរាជការដើម្បីទារប្រាក់ និងឱ្យវេរប្រាក់ឲ្យខ្លួន(គណនីក្លែងក្លាយ)កន្លងមក។

ករណីនេះ អ្នកនាំពាក្យបំភ្លឺថា គណនីតេឡេក្រាមដែលមានឈ្មោះ “ឧត្តមសេនីយ៍ទោ សិទ្ធិ ឡោះ” ខាងលើ មិនមែនជាគណនីផ្ទាល់ខ្លួនរបស់លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋានគរបាលខេត្តបន្ទាយ មានជ័យ នោះទេ។ ហេតុដូច្នេះសូមសាធារណៈជន អ្នកសារព័ត៌មាន និងអ្នកប្រើប្រាស់បណ្តាញទំនាក់ទំនង សង្គមកុំមានការភាន់ច្រឡំ ដែលនាំឲ្យមានការខាតបង់ដោយប្រការណាមួយ ។

ករណីនេះ ស្នងការដ្ឋាននគរបាលខេត្តបន្ទាយមានជ័យ កំពុងធ្វើការស្រាវជ្រាវលើ ម្ចាស់គណនីតេឡេ ក្រាមក្លែងក្លាយខាងលើ ដើម្បីចាត់ការតាមនីតិវិធី៕