សាច់គោ និងភ្លៅមាន់ជាង៨តោននាំចូលពីវៀតណាមតាមច្រកក្នុងស្រុកកោះធំ ខេត្តកណ្ដាល ខុសច្បាប់ ត្រូវបានមន្ត្រីជំនាញក្រសួងកសិកម្មចាប់បាននៅកណ្ដាលទីក្រុងភ្នំពេញ
(ភ្នំពេញ)៖ សាច់គោ និងភ្លៅមាន់ចំនួន៨,០១៥ គីឡូក្រាម នាំចូលដោយគ្មានលិខិតអនុញ្ញាតពីប្រទេសវៀតណាម តាមច្រករបៀងក្នុងស្រុកកោះធំ ខេត្តកណ្ដាល ឆ្ពោះទៅចែកចាយនៅរាជធានីភ្នំពេញ ប៉ុន្តែត្រូវបានក្រុមអន្តរាគមន៍បង្ក្រាបបទល្មើសចលនាសត្វនៃអគ្គនាយកដ្ឋានសុខភាពសត្វ និងផលិតកម្មសត្វឃាត់បាននៅចំណុចផ្លូវ៣០ម៉ែត្រ សង្កាត់ព្រៃស ខណ្ឌដង្កោ នាថ្ងៃទី៦ ខែកក្កដា ឆ្នាំ២០២៥។ នេះបើ់តាមប្រភពដែលអង្គភាព The Mirror News ទទួលបាននៅថ្ងៃទី៧ ខែកក្ដដា ឆ្នាំ២០២៥នេះ។
ពាក់ព័ន្ធករណីបង្ក្រាបបានសាច់គោនិងភ្លៅក្បែរ១០តោនខាងលើនេះ ក្រុមការងារជំនាញបានយកវត្ថុតាង និងបទល្មើសទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់។
សាធារណៈជនទទូចស្នើសុំស្ថាបនជំនាញជួយបើកការស្រាវជ្រាវដើម្បីរកឱ្យឃើញមន្ត្រីដែលខិលខូច ពាក់ព័ន្ធករណីខាងលើនេះ យកទៅផ្ដន្ទាទោសតាមផ្លូវឱ្យបានតឹងរុឹងផង៕
