ឯកឧត្ដម គីម រិទ្ធី រៀបចំព្រឹត្តិការណ៍រត់ឆ្លងឧបសគ្គ «PREAH VIHEAR TEMPLE RUN» អបអរសាទរខួបលើកទី១៧ នៃការដាក់បញ្ចូលប្រាសាទព្រះវិហារ ក្នុងបញ្ជី សម្បត្តិបេតិកភណ្ឌពិភពលោក របស់អង្គការយូណេស្កូ
(ព្រះវិហារ)៖ ឯកឧត្ដម គីម រិទ្ធី អភិបាលនៃគណៈអភិបាលខេត្តព្រះវិហារ នៅថ្ងៃទី៦ ខែកក្ដដា ឆ្នាំ២០២៥នេះ បានរៀបចំព្រឹត្តិការណ៍រត់ឆ្លងឧបសគ្គ «PREAH VIHEAR TEMPLE RUN» ដើម្បីអបអរសាទរខួបលើកទី១៧ នៃការដាក់បញ្ចូលប្រាសាទព្រះវិហារ ក្នុងបញ្ជី សម្បត្តិបេតិកភណ្ឌពិភពលោក របស់អង្គការយូណេស្កូ ០៧ កក្កដា ២០០៨ – ០៧ កក្កដា ២០២៥ ដែលមានអ្នកចូលរួមរត់ចំនួន៨០៨នាក់ មកពី៨ប្រទេស លើវិញ្ញាសាររត់ចម្ងាយ ៤២.៥គីឡូម៉ែត្រ ២២.៦គីឡូម៉ែត្រ ៩គីឡូម៉ែត្រ និង១,៣០០ម៉ែត្រ។
គួរជម្រាបជូនថា ព្រឹត្តការណ៍កីឡារត់នេះ រៀបចំដោយ រត់ជាមួយសាយ «Run with SAI» និងអាជ្ញាធរជាតិព្រះវិហារ ព្រមទាំងគាំទ្រដោយក្រសួងវប្បធម៌ និងវិចិត្រសិល្បៈ ក្រសួងទេសចរណ៍ រដ្ឋបាលខេត្តព្រះវិហារ និងសហភាពសហព័ន្ធយុវជនកម្ពុជា៕
