ទាំងប្រជាពលរដ្ឋនិងក្រុមអាជីករលើកដៃគាំទ្រការដោះស្រាយរបស់លោក ណុប ដារា អភិបាលរងខេត្តកណ្ថាលក្នុងការរៀបចំ បរិស្ថាន សណ្ដាប់ធ្នាប់ សោភ័ណភាពទីក្រុងតាខ្មៅឲ្យបានស្អាត មានភាពទាក់ទាញ

(កណ្ដាល)៖ លោក ណុប ដារា អភិបាលរងខេត្តកណ្ដាលតំណាងអភិបាលខេត្តនៅព្រឹកថ្ងៃអង្គារទី០១ ខែកក្កដា ឆ្នាំ ២០២៥នេះ បានអញ្ជើញបើកកិច្ចប្រជុំស្វែងរកដំណោះស្រាយជាមួយបងប្អូនប្រជាពលរដ្ឋ,អាជីវកររស់នៅតាមបណ្ដោយផ្លូវ២០៥ ស្ថិតនៅភូមិតាខ្មៅ សង្កាត់តាខ្មៅ ក្រុងតាខ្មៅ ខេត្តកណ្ដាលដើម្បីរៀបចំ បរិស្ថាន,សណ្ដាប់ធ្នាប់សោភ័ណភាពទីក្រុងតាខ្មៅឲ្យបានស្អាត មានភាពទាក់ទាញ។

លោក ណុប ដារា អភិបាលរងខេត្តលើកឡើងថា កិច្ចប្រជុំនៅពេលនេះគឺដើម្បីជួបជុំជាមួយបងប្អូនប្រជាពលរដ្ឋ,អាជីវករនៅក្រុងតាខ្មៅ ក្នុងការរៀបចំសណ្តាប់ធ្នាប់,បរិស្ថាននិងសោភណ្ឌភាព។ការរៀបចំសោភ័ណភាព,សណ្ដាប់ធ្នាប់,បរិស្ថានគឺជារឿងសំខាន់ក្នុងការចូលរួមពីគ្រប់ភាគីពាក់ព័ន្ធ ជាពិសេសបងប្អូនប្រជាពលរដ្ឋនិងក្រុមអាជីវករនៅក្រុងតាខ្មៅ។លោកអភិបាលរងខេត្តបានក្រើករំលឹកប្រជាពលរដ្ឋអាជីវករឱ្យចូលរួមអនុវត្តតាមសេចក្តីណែនាំរបស់រដ្ឋបាលខេត្ត។

បញ្ហាប្រឈមនៅក្រុងតាខ្មៅ ជាពិសេសនៅចំណុចផ្លូវលេខ២០៥ស្ថិតនៅភូមិ-សង្កាត់តាខ្មៅ,ក្រុងតាខ្មៅ គឺអាជ្ញាធរត្រូវរៀបចំសណ្តាប់ធ្នាប់,សោភ័ណភាព ឱ្យបានជាដាច់ខាត។ បញ្ហាទាំងនេះគឺត្រូវមានការចូលរួមទាំងអស់គ្នាពីសំណាក់ប្រជាពលរដ្ឋនៅលើកំណាត់ផ្លូវ២០៥ ក៏ដូចជានៅក្នុងភូមិសាស្ត្រក្រុងតាខ្មៅទាំងមូល។

ក្នុងកិច្ចប្រជុំបងប្អូនប្រជាពលរដ្ឋ,អាជីវករបានបញ្ចេញមតិរៀងៗខ្លួនអំពីបញ្ហាប្រឈមនិងហានិភ័យផ្សេងៗនៅក្នុងការប្រកបរបរអាជីវកម្មសព្វថ្ងៃ។ យ៉ាងណាក៏ដោយបងប្អូនប្រជាពលរដ្ឋនិងអាជីវករនៅក្រុងតាខ្មៅគាំទ្រចំណាត់ការរបស់អាជ្ញាធររដ្ឋបាលខេត្តកណ្ដាលក្នុងការរៀបចំសណ្ដាប់ធ្នាប់,សោភ័ណភាពនិងបរិស្ថាន។ 

ដំណោះស្រាយជាក់ស្ដែង លោក ណុប ដារា អភិបាលរង ខេត្តនឹងចុះពិនិត្យដោយផ្ទាល់ជាថ្មីម្ដងទៀត នៅក្នុងភូមិ សាស្ត្រក្រុងតាខ្មៅ។ ពេលបានលទ្ធផលយ៉ាងណានោះ លោកនឹងរាយការណ៍ជូនលោក គួច ចំរើន អភិបាលខេត្តដើម្បីស្វែងរកដំណោះស្រាយសមស្របជូនបងប្អូនប្រជាពលរដ្ឋនិងអាជីវករ ដោយទទួលបានលទ្ធផលស្មើគ្នា និងផលប្រយោជន៍រួមក្នុងការរៀបចំសណ្ដាប់ធ្នាប់បរិស្ថាននិងសោភ័ណភាពទីក្រុង៕