ផ្លែដាវយិន ឬផ្លែកណ្តាប់ចង្អេរបានជួយជីវិតសម្តេចពិជ័យសេនា ទៀ បាញ់ ខណៈសម្ដេចគ្មានអ្វីហូបទាល់តែសោះអស់រយៈពេល៥ថ្ងៃ

(ភ្នំពេញ)៖ ផ្លែដាវយិន ឬផ្លែកណ្តាប់ចង្អេរបានជួយជីវិតសម្តេចពិជ័យសេនា ទៀ បាញ់ ខណៈសម្ដេចគ្មានអ្វីហូបទាល់តែសោះអស់រយៈពេល៥ថ្ងៃក្នុងគ្រាអតីតកាលដ៏លំបាក។ នេះបើតាមទំព័រហ្វេសប៊ុកផ្លូវការរបស់សម្តេចពិជ័យសេនា ទៀ បាញ់ ដែលអង្គភាព The Mirror News ទទួលបាននៅថ្ងៃទី៣១ ខែឧសភា ឆ្នាំ២០២៥នេះ។

នៅទំព័រហ្វេសប៊ុកផ្លូវការរបស់សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជានិងអតីតជាឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានពីរំលឹកអតីតកាលដ៏កំសត់របស់សម្ដេច ដោយសម្ដេចបានលើកឡើងពីផ្លែដាវយិន ឬផ្លែកណ្តាប់ចង្អេរ ដែលជាផ្លែជួយជីវិតសម្ដេចក្នុងពេលដែលសម្ដេចគ្មានអ្វីហូបទាល់តែសោះអស់រយៈពេល០៥ថ្ងៃ។

សម្តេចពិជ័យសេនាបានបញ្ជាក់ថា ដោយបានផ្លែដាវយិន ឬផ្លែកណ្តាប់ចង្អេរនេះហើយ ដែលសម្ដេចបានហូបដើម្បីបន្ធូរការស្រែកឃ្លានរបស់សម្ដេចនាគ្រានោះ៕