នាយឧត្តមសេនីយ៍ ឈន សារ៉ាណេ អញ្ជើញចុះត្រួតពនិត្យវឌ្ឍនភាពការងារសាងសង់ហេដ្ឋារចនាសម្ព័ន្ធនៅក្នុងខេត្តព្រៃវែង
(ព្រៃវែង)៖ ឯកឧត្តម នាយឧត្តមសេនីយ៍ ឈន សារ៉ាណេ អនុរដ្ឋលេខាធិការក្រសួងមហាផ្ទៃនៅថ្ងៃទី៣០ ខែឧសភា ឆ្នាំ២០២៥នេះ បានអញ្ជើញចុះត្រួតពនិត្យវឌ្ឍនភាពការងារសាងសង់ហេដ្ឋារចនាសម្ព័ន្ធនៅក្នុងខេត្តព្រៃវែងពាក់ព័ន្ធការងារក្រាលកៅស៊ូប្រភេទ DBST ប្រវែង១៨ ៣៤០ម ទទឹង៨ម ចិញ្ចើមសងខាង ០,៥ម ដែលមានទីតាំងស្ថិតនៅក្នុងឃុំក្រាំងស្វាយ ស្រុកព្រះស្តេចខេត្តព្រៃវែង។
ជាមួយនោះ ឯកឧត្តមនាយឧត្តមសេនីយ៍ក៏បានអញ្ជើញពិនិត្យការងារសាងសង់ផ្លូវក្រាលបេតុង ១ខ្សែប្រវែង ២២០០ម ទទឹង៩ម កម្រាស់០,២ម លើកកម្ពស់ផុតពីទឹកកម្ពស់ ២ម និងការងារសាងសង់ហេដ្ឋារចនាសម្ព័ន្ធរូបវ័ន្ត ស្ថិតនៅក្នុងភូមិព្រែកចាម ឃុំបន្លិចប្រាសាទ ទៅភូមិព្រែកខ្សាយ ឃុំព្រែកខ្សាយ (ក) ស្រុកពាមរក៏ ខេត្តព្រៃវែងផងដែរ៕
