លោកស្នងការ ឡោ សុខា ផ្សព្វផ្សាយផែនការចាំបាច់មួយចំនួនរបស់អគ្គស្នងការដ្ឋាននគរបាលជាតិដល់មន្ត្រីក្រោមឱវាទ

(មណ្ឌលគិរី)៖ លោកឧត្តមសេនីយ៍ទោ ឡោ សុខា ស្នងការនគរ​បាលខេត្តមណ្ឌលគិរី នារសៀល ថ្ងៃព្រហស្បតិ៍ ទី២៩ ខែឧសភា ឆ្នាំ​២០២៥បានបើកកិច្ច​ប្រជុំផ្សព្វផ្សាយផែនការចាំបាច់មួយចំនួនរបស់អគ្គស្នងការដ្ឋាននគរបា​លជាតិ។

លោកឧត្តមសេនីយ៍ទោស្នងការបានផ្សព្វផ្សាយផែនការចាំបាច់មួយចំនួនរបស់អគ្គស្នងការដ្ឋាននគរបាលជាតិ៖

*១.ពង្រឹងវិធានការឡើងវិញក្នុងការគ្រប់គ្រងលើការ​ងាររបស់មន្រ្តីនគរបាលជាតិចាប់ពីការិយា​ល័យជំនាញវរសេនាតូចនគរបាលការពារព្រំដែនគោកទាំងពីរ និងអធិការនគរបាលក្រុង ស្រុករហូតដល់ប៉ុស្តិ៍នគរបាលរដ្ឋបាល។

*២.ត្រូវត្រួតពិនិត្យនៅរចនាសម្ព័ន្ធនៅតាមបណ្តាការិយាល័យជំនាញពិនិត្យតាមដាន ទៅលើមន្រ្តីនគរបាលណាដែលមិនយកចិត្តទុកដាក់បំរើការ​ងារក្នុងម៉ោងរដ្ឋបាលនៅតាមបណ្តាការិយាល័យជំនាញនិមួយៗ អោយបានច្បាស់លាស់។

*៣.ត្រូវពង្រឹងនិងយកចិត្តទុកដាក់រាល់ការលំហូរចូលរបស់ជនបទេសនៅតាមច្រកទ្វារទ្វេភាគីទាំង៣ និងតាមបណ្តាប៉ុស្តិ៍ការពារនៅតាមខ្សែ​បន្ទាត់ព្រំដែន បង្ការនិងបង្រ្កាបនូវបទល្មើសការជួញដូរមនុស្ស ,ការឆ្លងដែនដោយខុសច្បាប់និងការជួញដូរគ្រឿងញៀន និងបង្រ្កាបនូវបទល្មើសគ្រប់ប្រភេទដែលឆ្លងកាត់តាមខ្សែបន្ទាត់ព្រំដែន។

*៤.គ្រប់អង្គភាពទាំងអស់ត្រូវត្រៀម កម្លាំងដើម្បីជួយសង្រ្គោះប្រជាពលរដ្ឋដែលរងគ្រោះដោយគ្រោះធម្មជាតិដោយទឹកជំនន់ និងគ្រោះធម្មជាតិផ្សេងៗទៀត ដែលនិងអាចកើតឡើងជាយថា​ហេតុ នៅតាមតំបន់ដែលងាយរងគ្រោះមួយ​ចំនួន​ពីព្រោះវដូវនេះគឺជារដូវវស្សា។

*៥.ត្រូវបង្កើននិងយកចិត្តទុកដាក់គ្រប់គ្រងជន​បរទេស ដែលមកស្នាក់តាមមូលដ្ឋានិងតាមបណ្តា​ក្រុមហ៊ុននានាមួយចំនួន អោយបានច្បាស់លាស់សុីជម្រៅបំផុត។
៦.ផែនការងារអត្តសញ្ញាណប័ណ្ណត្រូវចុះត្រួត​ពិនិត្យការងារអត្តសញ្ញាណប័ណ្ណ និងជំរុញការផ្តល់​អត្តសញ្ញាណ្ណប័ណ្ណជូនប្រជាពលរដ្ឋអោយបានប្រើប្រាស់គ្រប់ៗគ្នា។

គួរជម្រាបជូនថា នៅក្នុងកិច្ចប្រជុំខាងលើនេះ ក៏មានការចូល​រួមពីលោក លោកស្រីស្នង​ការរង លោក លោក​ស្រីនាយការិយាល័យជំនា​ញ​ទាំងអស់ លោកមេបញ្ជាការវរសេនាតូចនគរបាលការពារ​ព្រំដែនគោកទាំង២ លោកអធិការនគរបាលក្រុង ស្រុកទាំង៥ លោកនាយប៉ុស្តិ៍នគរបាលច្រកទ្វារទ្វេភា​គីទាំង៣៕