សំណាងជំនាញនៅក្រុងភ្នំពេញចាប់បាន! ឡានតួរីសដឹកពងមាន់អត់ច្បាប់ចេញពីប្រទេសវៀតណាមតាមច្រករបៀង ស្រុកគិរីវង់ ខេត្តតាកែវ ឆ្ពោះមកលក់ចែកចាយនៅរាជធានីភ្នំពេញ!

(ភ្នំពេញ​)៖ រថយន្តតូរីសមួយគ្រឿងដឹកស៊ុតមាន់ (ពងមាន់)ចំនួន២៥៥០០គ្រាប់ ត្រូវបានក្រុមការងារអន្តរាគមន៍បង្ក្រាបបទល្មើសចលនាសត្វ នៃអគ្គដ្ឋានសុខភាពសត្វ និងផលិតកម្មសត្វចុះស្ទាក់ចាប់ឃាត់បាននៅជិតរង្វង់មូលកួរស្រូវ ស្ថិតក្នុងសង្កាត់ព្រែកកំពឹស ខណ្ឌដង្កោ រាជធានីភ្នំពេញ នៅវេលាម៉ោង០៦៖៥០នាទីព្រឹកថ្ងៃចន្ទទី២៦ ខែឧសភា ឆ្នាំ២០២៥នេះ។នេះបើតាមប្រភពដែលអង្គភាព The Mirror News ទទួលបាននៅព្រឹកនេះ។

ប្រភពបន្តថា រថយន្តខាងលើ បានដឹកស៊ុតមាន់ចេញពីប្រទេសវៀតណាមតាមច្រករបៀង ស្រុកគិរីវង់ ខេត្តតាកែវ ឆ្ពោះមកលក់ចែកចាយនៅរាជធានីភ្នំពេញ ដោយគ្មានលិខិតអនុញ្ញាតអ្វីទាំងអស់។

ក្រុមការងារបាននាំយកវត្ថុតាងនិងបទល្មើសខាងលើមករក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់៕