ក្រុមប៉ូលិសខេត្តកណ្ដាលបង្ក្រាបបានមុខសញ្ញាគ្រឿងញៀននិងបក្ខពួក២នាក់យកទៅផ្ដន្ទាទោសតាមច្បាប់!

(កណ្តាល)៖ កម្លាំងនគរបាលខេត្តកណ្ដាលបានស្រាវជ្រាវឈានដល់ឃាត់ខ្លួនមុខសញ្ញាសង្ស័យនិងបក្ខពួកចំនួន២នាក់ ពាក់ព័ន្ធករណីជួញដូររក្សាទុកនិងប្រើប្រាស់គ្រឿងញៀន។

ការឃាត់ខ្លួននេះ បានធ្វើឡើងកាលពីថ្ងៃទី២១ ខែឧសភា ឆ្នាំ២០២៥ នៅចំណុចភូមិកំពង់ចំលង ឃុំកំពង់ចំលង ស្រុកខ្សាច់កណ្ដាល ខេត្តកណ្ដាល។

ជនសង្ស័យ៖ ទី១.ឈ្មោះ ភឿន សំអាន ភេទប្រុសអាយុ៤២ឆ្នាំនៅភូមិស៊ីធរលិច ឃុំស៊ីធរ ស្រុកខ្សាច់កណ្ដាល ខេត្តកណ្ដាល។ និង២. ឈ្មោះ យោន ស៊ីនាថ ភេទប្រុសអាយុ៤៨ឆ្នាំនៅភូមិត្បូងដំរី ឃុំកំពង់ចំលង ស្រុកខ្សាច់កណ្ដាល ខេត្តកណ្ដាល។

ប្រភពពីក្រុមប៉ូលិសថា មុខសញ្ញាទាំង២នាក់ខាងលើមានការជាប់ពាក់ព័ន្ធបទល្មើសគ្រឿងញៀនយូរឆ្នាំមកហើយ។ ហើយកម្លាំងជំនាញតែងតាមឃ្លាំមើល និងស៊ើបអង្កេតជាប្រចាំរហូតឈានដល់ចាប់ខ្លួននិងបញ្ជូនទៅតុលាការដើម្បីចាត់ការតាមនីតិវិធី៕