ស្នងការខេត្តកំពតព្រមានម្ចាស់ផ្ទះសំណាក់និងសណ្ឋារគារមួយចំនួនតូចក្នុងខេត្តកំពត កុំធ្វើឲ្យខូចមុខមាត់ខេត្តនិងទីតាំងរកសុីរបស់ខ្លួនឯង!

(កំពត)៖ លោកឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតនៅថ្ងៃទី១៥ ខែឧសភានេះ បានបង្ហោះសារព្រមានម្ចាស់ផ្ទះសំណាក់និងសណ្ឋារគារមួយចំនួនតូចក្នុងខេត្តកំពត កុំធ្វើឲ្យខូចមុខមាត់ខេត្តនិងទីតាំងរកសុីរបស់ខ្លួនឯង។

បើតាមសំណេរដើមទាំងស្រុងរបស់លោកឧត្ដមសេនីយ៍ទោ ម៉ៅ ច័ន្ទមធុរិទ្ធ នៅលើទំព័រហ្វេសប៊ុកថា «សូមជំរាបម្ចាស់ផ្ទះសំណាក់និងសណ្ឋារគារមួយចំនួនតូចក្នុងខេត្តកំពត បើទទួលលុយកក់គេហើយត្រូវមានបន្ទប់អោយគេ កុំធ្វើអោយខូចមុខមាត់ខេត្តនិងទីតាំងរកសុីរបស់ខ្លួនឯង ដោយសារអាលុយបន្តិចបន្តួចនោះ ប្រយ័ត្នខូចប្រយោជន៏ធំ ខ្ញុំសូមជំរាបអោយហើយ ។ 15.05.25»។

គួរជម្រាបជូនថា លោកឧត្ដមសេនីយ៍ទោស្នងការតែងតែបង្ហោះសារជូនដំណឹង និងណែនាំឲ្យសាធារណជនបានដឹងពីសកម្មភាព ចំណាត់ការនានាក្នុងមូលដ្ឋានរបស់លោកដឹកនាំក្នុងនាមជាអ្នកមន្ត្រីបម្រើរាស្ត្រដ៏សកម្មមួយរូប។ ហើយលោកស្នងការក៏ទទួលបានពីការគាំទ្រយ៉ាងផុសផុលពីសំណាក់ប្រជាជនក្នុងមូលដ្ឋានខេត្តនិងអ្នកប្រើប្រាសើបណ្ដាញសង្គមផងដែរ៕