ចាំមើល គេបំភ្លឺថាយ៉ាងម៉េចទៀត ពាក់ព័ន្ធករណីមាន់ជល់អនឡាញក្រុមហ៊ុនM99បានកំពុងបើកលេងនៅក្នុងមូលដ្ឋានស្រុកកំពង់សៀម

(កំពង់ចាម)៖ បើតាមសេចក្ដីរាយការណ៍បានឲ្យដឹងថា មិនថាតែអ្នកកាសែតនោះទេ សូម្បីតែប្រជាពលរដ្ឋនៅតាមមូលដ្ឋាននានាក្នុងស្រុកកំពង់សៀម ខេត្តកំពង់ចាមបានលាន់ម៉ាត់ថា មានល្បែងមាន់ជល់អនឡាញ M99 បានកំពុងបើកលេងនៅក្នុងមូលដ្ឋានរបស់ពួកគាត់។

ប្រភពបន្តថា បើគេមើលឃើញនឹងភ្នែកហើយ ចាំមើលអាជ្ញាធរមានសមត្ថកិច្ចនឹងបំភ្លឺថាយ៉ាងម៉េចទៀត។ នៅក្នុងឃុំគគរយ៉ាងហោចណាស់មានទីតាំងជល់មាន់អនឡាញM99 ពី៣ទៅ៤កន្លែង ដែលមានប្រជាពលរដ្ឋនៅក្នុងមូលដ្ឋាននេះចូលទៅលេងមិនដាច់នោះទេ។ នៅឃុំផ្សេងទៀតដូចជាឃុំវិហារធំ,កោះរកា,ក្រឡានៅក្រុងកំពង់ចាមផងដែរ សុទ្ធតែមានទីតាំងល្បែងស៊ីសងអនឡាញរM99។ ប្រភពបន្ថែមថា ក្រុមហ៊ុនមាន់ជល់អនឡាញ M99ហាក់ដូចមិនខ្លាចញញើតច្បាប់ប្រទេសកម្ពុជានោះឡើយ។

ប្រជាពលរដ្ឋនៅឃុំគគរស្រុកកំពង់សៀម ខេត្តកំពង់ចាមនិយាយថា ល្បែងមាន់ជល់អនឡាញក្រុមហ៊ុនM99 បានកំពុងធ្វើឲ្យប្រជាពលរដ្ឋ ក្នុងមូលដ្ឋានបាត់បង់ចំណូលបំផ្លាញថវិកាក្រុមគ្រួសារ,អំពើហិង្សាជាពិសេសករណីចោរលួចចោរប្លន់។បុរសជាមេគ្រួសារភាគច្រើនចំណាយ ពេលវេលា នៅតាមបណ្ដាទីតាំងមាន់ជល់អនឡាញ ក្រុមហ៊ុនM 99 នេះ។ ដូច្នេះក្រៅពីការបំផ្លាញពេលវេលាលុយកាក់ វាបង្កឲ្យមានអំពើហិង្សានៅក្នុងគ្រួសារនោះទៀតផង។

ប្រជាពលរដ្ឋនៅក្នុងមូលដ្ឋានមាន ចម្ងល់ថា ហេតុអ្វីអាជ្ញាធរមានសមត្ថកិច្ចនគរបាលស្រុកកំពង់សៀមមិនចាត់វិធានការបង្ក្រាបល្បែងស៊ីសងមាន់ជល់អនឡាញទាំងនោះ៕