ឯកឧត្តម ឈឿន សុចិត្ត បន្តយកចិត្តទុកដាក់សុខទុក្ខពលរដ្ឋ ចាត់លោក ឡាក់ ម៉េងធី ឲ្យនាំអំណោយ និងថវិកាជូនគ្រួសារទើបសម្រាលកូន ៨គ្រួសារ នៅភូមិដើមគរ

(កណ្ដាល)៖ នៅថ្ងៃអាទិត្យ ទី៧ ខែមិថុនា ឆ្នាំ២០២៦ ដោយអនុវត្តតាមការចង្អុលដឹកនាំរបស់ឯកឧត្តម ឈឿន សុចិត្ត ប្រធានក្រុមការងារចុះមូលដ្ឋានសង្កាត់ដើមមៀន ក្រុមការងារចុះមូលដ្ឋានភូមិដើមគរ ដឹកនាំដោយលោក ឡាក់ ម៉េងធី បានសហការជាមួយក្រុមការងារភូមិ ចុះសំណេះសំណាល សួរសុខទុក្ខ និងនាំយកអំណោយ ព្រមទាំងថវិការបស់ឯកឧត្តមប្រធាន ទៅប្រគល់ជូនគ្រួសារចំនួន ៨គ្រួសារ ដែលមានសមាជិកទើបសម្រាលកូនថ្មី។

ក្នុងឱកាសនោះ ក្រុមការងារបានពាំនាំការផ្តាំផ្ញើសាកសួរសុខទុក្ខ និងការយកចិត្តទុកដាក់ពីសំណាក់ថ្នាក់ដឹកនាំ ជូនដល់ប្រជាពលរដ្ឋក្នុងមូលដ្ឋាន ដោយគ្រួសារនីមួយៗទទួលបានអង្ករចំនួន ១បាវ ស្មើនឹង ៥០គីឡូក្រាម និងថវិកាចំនួន ១០០,០០០រៀល ដើម្បីជួយសម្រួលដល់ជីវភាពរស់នៅ និងជាការលើកទឹកចិត្តដល់ក្រុមគ្រួសារនៅក្នុងឱកាសដ៏មានសុភមង្គលនេះ។

ជាមួយគ្នានេះដែរ ក៏បានឧបត្ថម្ភថវិកាជូនមេភូមិចំនួន ២០០,០០០រៀល សម្រាប់ជួយសម្រួលដល់ការងារបម្រើប្រជាពលរដ្ឋក្នុងមូលដ្ឋាន។ សរុបថវិកាចំណាយក្នុងសកម្មភាពសប្បុរសធម៌នេះមានចំនួន ២,២០០,០០០រៀល។

សកម្មភាពខាងលើបានបង្ហាញពីការយកចិត្តទុកដាក់ជាប់ជាប្រចាំរបស់ថ្នាក់ដឹកនាំ និងក្រុមការងារមូលដ្ឋាន ចំពោះសុខទុក្ខ និងជីវភាពរស់នៅរបស់ប្រជាពលរដ្ឋ ដោយឈរលើស្មារតីសាមគ្គីភាព ការចែករំលែក និងការលើកកម្ពស់សុខុមាលភាពសង្គមនៅមូលដ្ឋាន៕