លោកស្នងការ ឈឿន សុចិត្ត ប្រគល់ម៉ូតូថ្មី ជំរុញការងារសន្តិសុខនៅក្រុងតាខ្មៅ

(កណ្តាល)៖ នៅព្រឹកថ្ងៃទី១៣ ខែមេសា ឆ្នាំ២០២៤ លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល បានប្រគល់ម៉ូតូជាអំណោយឧបត្ថម្ភដ៏ថ្លៃថ្លា របស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនដល់អធិការដ្ឋាននគរបាលក្រុងតាខ្មៅ។

ម៉ូតូទាំងនេះ ត្រូវបានផ្តល់ជូនសម្រាប់ប្រើប្រាស់ក្នុងការចេញល្បាត ការពារសន្តិសុខ សុវត្ថិភាព និងបង្ការ ទប់ស្កាត់បទល្មើសគ្រប់ប្រភេទ ជាពិសេសក្នុងការពង្រឹងប្រតិបត្តិការថែរក្សាសុវត្ថិភាពជូនប្រជាពលរដ្ឋ។

វិធានការនេះ ត្រូវបានចាត់ទុកថា ជាការត្រៀមខ្លួនយ៉ាងសកម្ម ដើម្បីធានាសន្តិសុខ និងសណ្តាប់ធ្នាប់សាធារណៈ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ខាងមុខនេះ ឲ្យប្រព្រឹត្តទៅដោយសុខសាន្ត និងមានសុវត្ថិភាព៕