ឃាតកម្មនៅស្រុកស្ទោង! ចាប់ខ្លួនជនសង្ស័យកាប់សម្លាប់បុរសម្នាក់ភ្លាមៗ

(កំពង់ធំ)៖ កម្លាំងនគរបាលស្រុកស្ទោងបានឃាត់ខ្លួនជនសង្ស័យម្នាក់ភ្លាមៗ បន្ទាប់ពីប្រព្រឹត្តអំពើឃាតកម្ម នៅព្រឹកថ្ងៃទី០៨ ខែមេសា ឆ្នាំ២០២៦ ស្ថិតក្នុងភូមិសំប៉ាន ឃុំម្សាក្រង។

ជនសង្ស័យឈ្មោះ រី រន អាយុ៣៤ឆ្នាំ ត្រូវបានចោទថា បានប្រើពូថៅកាប់សម្លាប់ជនរងគ្រោះឈ្មោះ ជា វណ្ណៈ អាយុ៣២ឆ្នាំ បណ្តាលឱ្យស្លាប់នៅកន្លែងកើតហេតុ ដោយសារគំនុំផ្ទាល់ខ្លួន។

ក្រោមការដឹកនាំរបស់ស្នងការដ្ឋាន និងអធិការនគរបាលស្រុក កម្លាំងជំនាញបានចុះឡោមព័ទ្ធ និងឃាត់ខ្លួនជនសង្ស័យបានជោគជ័យ ព្រមទាំងដកហូតពូថៅជាវត្ថុតាង។

បច្ចុប្បន្ន ជនសង្ស័យត្រូវបានឃាត់ខ្លួន ដើម្បីកសាងសំណុំរឿងបញ្ជូនទៅតុលាការ ខណៈសាកសពជនរងគ្រោះ ត្រូវបានប្រគល់ជូនក្រុមគ្រួសារ រៀបចំពិធីបុណ្យតាមប្រពៃណី៕