ពង្រឹងមិត្តភាពព្រំដែន! ប្រតិភូវៀតណាមអញ្ជើញជូនពរ និងប្រគល់អនុស្សាវរីយ៍ជូនស្នងការដ្ឋាននគរបាលខេត្តកណ្តាល អំឡុងបុណ្យចូលឆ្នាំខ្មែរ

(កណ្ដាល)៖ នៅល្ងាចថ្ងៃសុក្រ ទី៣ ខែមេសា ឆ្នាំ២០២៦ ដោយមានការអនុញ្ញាតដ៏ខ្ពង់ខ្ពស់ពីឯកឧត្តមនាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាលបានដឹកនាំប្រតិភូស្នងការដ្ឋាន ទទួលស្វាគមន៍យ៉ាងកក់ក្តៅ ប្រតិភូបញ្ជាការដ្ឋានយោធាការពារព្រំដែនខេត្តអានយ៉ាង នៃសាធារណរដ្ឋសង្គមនិយមវៀតណាម។

ក្នុងឱកាសនោះ ប្រតិភូវៀតណាមបានអញ្ជើញមកជូនពរ និងនាំយកវត្ថុអនុស្សាវរីយ៍ ប្រគល់ជូនស្នងការដ្ឋាននគរបាលខេត្តកណ្តាល ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៦ ដែលនឹងឈានមកដល់ក្នុងពេលឆាប់ៗនេះ។

ពិធីជួបសំណេះសំណាលនេះ បានបង្ហាញពីការរីកចម្រើននៃទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការយ៉ាងជិតស្និទ្ធ រវាងកងកម្លាំងនគរបាលកម្ពុជា និងយោធាការពារព្រំដែនវៀតណាម ដែលបន្តត្រូវបានថែរក្សា និងពង្រឹងឱ្យកាន់តែរឹងមាំជាបន្តបន្ទាប់៕