កាន់តែទំនើបហើយ! មន្ទីរពេទ្យ ហ្លួង ម៉ែ បំពាក់ម៉ាស៊ីន Fibroscan ជំនាន់ចុងក្រោយ អាចវាស់សុខភាពថ្លើម ត្រឹមត្រូវ ច្បាស់លាស់
(ភ្នំពេញ)៖ មន្ទីរពេទ្យ ហ្លួង ម៉ែ បានបំពាក់ម៉ាស៊ីន FibroScan ជំនាន់ចុងក្រោយ ពី Echosens ប្រទេសបារាំង។ ម៉ាស៊ីននេះមានភ្ជាប់ដោយបច្ចេកវិទ្យាឆ្លាតវៃ SmartExam™ អាចវាស់វែងសុខភាពថ្លើមបានយ៉ាងត្រឹមត្រូវ និងបង្ហាញលទ្ធផលជាលេខច្បាស់លាស់។ បច្ចេកវិទ្យាចុងក្រោយនេះ ចំណាយពេលត្រឹមតែ ៥-១០ នាទី ដោយពុំមានការឈឺចាប់ និងទទួលបានលទ្ធផលភ្លាមៗ។
បើតាមមន្ទីរពេទ្យ ហ្លួង ម៉ែ CAPTM វាស់ និងតាមដានជាតិខ្លាញ់ក្នុងថ្លើម (Liver Steatosis)៖ អ្នកជំងឺទឹកនោមផ្អែម អ្នកលើសទម្ងន់ និងអ្នកមានហានិភ័យជំងឺខ្លាញ់រុំថ្លើម។ LSM by VCTETM វាស់ភាពរឹងនៃថ្លើម (Liver Fibrosis)៖ អាចរកឃើញការប៉ះពាល់សាច់ថ្លើមនៅដំណាក់កាលដំបូង, តាមដានការវិវត្តនៃកម្រិតប៉ះពាល់សាច់ថ្លើម និងជួយវេជ្ជបណ្ឌិតសម្រេចចិត្តព្យាបាលបានត្រឹមត្រូវ។
តើហេតុអ្វីត្រូវពិនិត្យសុខភាពថ្លើម? ព្រោះជំងឺរលាកថ្លើមដោយវីរុស (Viral Hepatitis), ស្រា ឱសថ និងមូលហេតុផ្សេងៗ។ ព្រមទាំងជំងឺខ្លាញ់រុំថ្លើម និងជំងឺក្រិនថ្លើម ជាដើម។ មន្ទីរពេទ្យ ហ្លួង ម៉ែ បានបញ្ជាក់ថា ជំងឺថ្លើម មិនបង្ហាញរោគសញ្ញានៅដំណាក់កាលដំបូងឡើយ៕
