“បញ្ចប់របេង មិនមែនត្រឹមពាក្យស្លោកនោះទេ!” រដ្ឋមន្ត្រីសុខាភិបាលអំពាវនាវឲ្យសង្គមទាំងមូលចូលរួមប្រយុទ្ធទាំងអស់គ្នា!

(ភ្នំពេញ)៖ នៅពេលជំងឺរបេងនៅតែជាអភិបាលអន្ទាក់លាក់ខ្លួនក្នុងសង្គម លោកសាស្រ្តាចារ្យ ឈាង រ៉ាង រដ្ឋមន្ត្រីក្រសួងសុខាភិបាល បានបញ្ជូនសារច្បាស់មួយ៖ ការបញ្ចប់ជំងឺនេះ មិនអាចសម្រេចបានដោយប្រព័ន្ធសុខាភិបាលតែមួយទេ ប៉ុន្តែត្រូវការកម្លាំងរួមពីសង្គមទាំងមូល។

ថ្លែងក្នុងឱកាសអបអរសាទរ ទិវារបេងពិភពលោក ២៤ មីនា ២០២៦ ក្រោមប្រធានបទ «មែនហើយ! យើងអាចបញ្ចប់ជំងឺរបេងបាន» រដ្ឋមន្ត្រីបានអំពាវនាវឲ្យមន្ត្រី បុគ្គលិក និងប្រជាពលរដ្ឋ បម្លែងព្រឹត្តិការណ៍នេះពី “ការរំលឹក” ទៅជា “សកម្មភាពសាមគ្គី” ក្នុងការប្រយុទ្ធប្រឆាំងជំងឺរបេងឲ្យមានប្រសិទ្ធភាពជាក់ស្តែង។

សារសំខាន់គឺ ការបញ្ចប់របេង មិនមែនជាការសន្យាតែនៅលើក្រដាស ប៉ុន្តែជាការទាមទារចំណូលចិត្តពិតប្រាកដពីមនុស្សគ្រប់រូប គ្រប់គ្រួសារ ដល់កម្រិតជាតិ។ ភាពរឹងមាំនៃប្រព័ន្ធសុខាភិបាល ត្រូវភ្ជាប់ជាមួយការយល់ដឹង និងការចូលរួមរបស់ប្រជាជន។

នៅក្រោយឆាក នេះក៏ជាការទទួលស្គាល់ចំពោះមន្ត្រីសុខាភិបាលគ្រប់លំដាប់ថ្នាក់ ដែលបានខិតខំដល់កម្រិតរក្សាអត្រាព្យាបាលជោគជ័យដល់៩៦% លើសគោលដៅ។ ប៉ុន្តែសំណួរមួយនៅតែឈរនៅមុខសង្គម ថាតើយើងនឹងបន្តរក្សាលទ្ធផលនេ ឬទុកឱ្យជំងឺរបេងវិលត្រឡប់វិញ?

ក្នុងបរិបទនេះ សាររបស់រដ្ឋមន្ត្រីមិនមែនជាការអំពាវនាវធម្មតា ប៉ុន្តែជាការជំរុញឲ្យសង្គមភ្ញាក់ខ្លួនថា “របេង” មិនមែនជាបញ្ហារបស់អ្នកដទៃទេ ប៉ុន្តែជាការទទួលខុសត្រូវរួម ដែលត្រូវបញ្ចប់ឲ្យបាន មិនមែនថ្ងៃណាមួយទេ ប៉ុន្តែចាប់ពីថ្ងៃនេះ៕